Tano 2

1 Na memesi de daedo ingo awa embo ena awa gavase ujo ena,edo Laodicea atera ainde edo embo jiwae be awa naso tamo pisida dombu awa gaera. 2 Naso buro mi ano ungo da jo eiri rari dubo bari mi kundo dada ise edo rora berari mi ari dubo de adewa,edo God da tu ge awa gadewa,edo tu ge aneKeriso ra. 3 Edo dubo ge ewagaewa de jiro gari de ane uso yei dara. 4 Na ge eiawa sena einda bere embo nenei mi ge busoro ambo ambo eowase. 5 Na tamo pisi mi ingo de daedo ataera ate asisi mi ingo de atena.Na jo ivuga ise gosena,ingo da gebe ari Keriso da yei atira ami goroba ari,ititiri ewa mei atena awasedo, 6 Awa sedo Iesu Keriso kundo daga yise puse eiyo. 7 Edo besisi itiwo gambari uso jigido atave,edo gebe ari mi atopatari ro ititi sera ainda sedo jarise atiwo. 8 Gido gogowo ewo.Doawo busu da ro atira amimi ingo ganubeure,embo da atopatari ainda atise Keriso da awa dotesa. 9 Edo mamo utu topo awa inge4 ane uso busu tamo ainda atira. 10 Edo goroba de gitigigari berari da nembo diba amimi imo siradira. 11 Edo Keriso mi ingo dena awa ombudo kumbusira,embo mi tamo pisi da wasiri mi edo kumbae ra. 12 Umo misegari da wasir ami, imo awa daga gousira,edo mamo utuda uso goroba ami iso gebe da jigari eradesa. 13 Iso betari jimbo biae da edo tamo pisi da ewamei kumbae,amimi etiri umo ingo dena berari da jimbo awa kotembedo doturisira. 14 Ingode naso biae da riroga,awa unemi orega da benema mi detiri atae isira. 15 Edo unemi arapa da ingo da goroba de gitigigari awa detiri yayaguri sira. 16 Awa embo doaso embo nenei mi iso wasiri da indari indesita ko umo indesita ko asisi da ivuga esita ko kariga seka da use do gasedo esitako tumode bai ari iji nenei ainda imo kasore. 17 Rora enene ambo kena bugutira ainba utumo na,awarate gebe re Keriso ra. 18 Gae gae daso embo nenei mi ge busore,anera mane tumo de bain eose ko awodo adesa awa iso ewa gaewa awa gajadira,awodo embo ane asisi bebegae mi euri kotembari mi nana edo era. 19 Emimi euri umo nembo dibaga itari sembari awa ataera,mamo utuda ami tamo da ainda petedo rawodo bajadira awa euri bajido ira. 20 Busu da rora nei de ami etiri iso betari Keriso ga dara,edo roedo imo wasiri da ainda atari inge esi. 21 Gae gae edo kundo Iesu puse eose ko gambudo gido eose ko,jigido mina badi eose, 22 Embo da ujugari edo atopatari mi sira ane natopo atadi ae manjadira. 23 Ge ujugari enene embo da umo usuka uso mina bari da tumode bain ise sasaimbari mi atiroro uso ujo da sirira orase.