Tano 4

1 Nano namendi awa ingo Mamo da Mei, giti jigari ainda ge mi ingo esusu era. Ingo nango da yei da ambo ari ge ro itite ro burisewa awa ainda ambo ise Mama Utuda awa sapo adewa, daedo emboro edo da yadesa, ami buri awodo berari adesa. 2 Imo ambo ari ge ro giti jigari da ititera ane imo ne gosesa. 3 Ainda be awa eia Mama Siroro da dipapa ra, edo iso kotopu awa eteso isaga iri gosera ami imo dita baita adi ae ra. 4 Ami ingo dada awara awo edo iso topo be ainga itaso sembari atadesa awa gio kotopu de edo kakana mi. 5 Dipapa mi ari biae adiaerate embo mei Mama gae embo mei da wasiri awodo awa eowe. 6 Tamo pisi da dipapa da atae edo Mama utuda gae edo Mama utuut gae embobo da wasiri awodo doawo embo nei namedi doawo embo nei namdida yei aribarari einda biae serigedo eore. Edo bada awa rowirawi ainda awa riroga susu ra edo gari da awodo nago ingo esosa itido edo setera. 7 Edo God ingaena biae da jawo saera ate kotopu ore sira. 8 Awa embo amemi eiyawa tumodo ae ira ane embo da yei da aera. Ate ane Mama utu da ainda uso Asisi kotopu itira embo awa tumoda ae esa. 9 Eiawa nano namedi da dubobari da ge ra. Imo embo nei mi iso yie owe jiwedo soro gadi ae ra. Ate ingo awa God mi dubo mina bara awase atopaputisira. 10 Awodo da nano namedi berari Macedonia atera ainda eyo. Ate nano namendi, nango ingo eiawa sekago sekago awase esusu ititera. 11 Nango awa ingo ewamei edo petedo atari ewamei jamo de, iso buro topo awa imo suka iso atari awa edo atasa se sera. 12 Awa adewa ane ingo ingoda pepeta embo nei da joda, awa ewamei adewa, ingo nei no mi jaro jaro adi ae ra. 13 Nango ingo awa jiro de atawase dipapa era. 14 Nano namendi, ene embo bebetisera ainda ge ra. Ge eiawa soro ingido awa imo embo nei tumonda ae atise bubo wewera tambu do era awo do eosase gido sera. Ingo de na Mamo da mei awa betedo sekago ereri sira ra, awodo awa gebe adera gido, Mama siroro mi embo ave umo tumonda ina tina bebetisera awa Uso Mei de da edo budo buwadira. 15 Ge eiawa giti jiari da ge ra. Ingodena embo awe wasiri de atera, awa ingode naso giti jigari embo buvadira iji ainde, awa ingo dena embo giti betedo mambusera awa dodo mambadiae ra. 16 Giti jigari umo suka utuda edo wosadira. Umo awa jawo de buwadira. Anera da giti jigari ainda ge javi ingadewa, Mamo utuda ainda uso puin da jawi ingadewa. Ise awa embo matu bebetegurisera awa giti ujeda edo era de ra. 17 Edo ingodena awe wasiri de atero dotira awa ererise ingo de berari poroga inda ingode naso giti jigari de da mina tamba adera. awodo edo ingodena natopo Giti jigari de atadera. 18 Awasedo ge emi esusu mina ita ise atiwo.