Tano 5

1 Boroko nane mi ro ingo da yei sekago sano gadi evi? Nano namendi iji nonde wasiri ro awa ingo da yei ijegadira. 2 Ingo sukako gido gogowo adewa, Mama siroro awa bengono embo da awodo tumbade bugadira. 3 Edo ro berari awa ewamei be eteva edo nei ro awa ijegadi ae awodo kotemburiroro, biae awa ingo da yei ijegadira. Teta aimono mi kinapena engadi ise memesi tambudo edo era da awodo tambadera. 4 Awara ate ingo nanonamedi de awa umengada atae awasedo ijibiyae puradira awa serigadewa. 5 ingo awa usa da edo paradada memei, awarate tumba edo umega da memei aera. 6 Awa embo ingode dombu ewuse atadi ae, dunumugedo ro puradira awa do ise ato re. 7 Ungo embo amemi dombu wujedo atae dunumugedoro pura di ra awa dobu ise atore 8 Awara ate ingode na parada topo gido, dunumugedo, gebe ari edo dubari awa pako awodo duredo, edo natopo atari awa gobe awodo ewu do tumoda adera. 9 Mama Siroro ari ingode nawa awa uso tini ganbari da itadi ae ra ate uso mei kena petedo natopo atari tambo rase sisira. 10 Siroro arida mei ingo de na awa embo, bebetisira amone uso engenebari da, wasiride, bebetegaride da, dada adera, 11 ambo gido kokomanade dubo baride umo jigaride edo ro natopo ise atera da awodo ise ata dera. 12 Nano namedi, embo awe mi atari natopo edo wasiri ujugurira awa kotopu, edo kakana ewo. 13 Iso yei bega edo dubo bari natopo atirari edo embo nenei awa da awodo kotopu kakana adesa. 14 Ingo awa sedo saeda era, nagoda nano namedi amemi jarera awa kondade ewo jo jamo arimi. 15 Gadesa amone biyae ro etira awa mina adi aera, awarate, ewagaewa mi kokomanade edo embo beraride, 16 Dubo ewamei ise jo yawiri ewo. 17 Edo Natopo manunugewo tepo dubo kotise atowe. 18 Roberari ainda awa dubo ewame adera, ainda be awa Mama siroro ari da wasiri awa uso mei da yei da ra . 19 Gaegae edo, asisi da yei da gano gano adiae. 20 Mama siroro ari da ge awa gaegae edo ujo ae eore ate jigido gogowo adera. 21 Roberari awa iti do gido ewamei awa burise begae awa doadera. 22 Ari wasiri asisi biaeda awa serigadera. 23 Dubo barida siroro ari mi ari kotopu adera. 24 Ingode na awa jawo sira, Mama siroro ari mi ainda be awa umo awa kotopu edo gebe gido. 25 Nano namedi de, edo nago awa embo manunugewo. 26 Gebe edotumoda ari embobo awa dubobari uju gadi edo gido jo mi berari uju gewo. 27 Edo gitijigari utu da owe ro jiwetira awa ingo nanonamedi da yei ajigorase. 28 Mama siroro ari da dubo jamo ari awa ingo da yei.