Tano 3

1 Awa embo sango we da, nango mi nei ari saogo aie gido suka athens pepetisera. 2 Nango mei Timothy itero mabusura nango da namendi edo nango de buro edera, amini mamo Utuda ge kando ise edo tawo ise jo goroba ari Iesu kena petadera. 3 Ami ari ingo mana oju edo memesi adera. Inga na suka gosera buro eiawa embo ama inga na awa avigete ra. 4 Ge be nango imo de atisera awa isa yeida awode figedo sisera inga na awa beai tamba dera, edo awoda awa ije gurisira. 5 Biae awa embo, Nanemi borere kundo atari kato go aie gido, nanemi ingo da jo gadi iti sena. Na kotena tini gambari mi imo bagari awa ingo de naso buro ewa mei awa biae adira. 6 Awarate Timothy mi binga awamei iso yeida edo nango da yeida kundo bugusira. Ingo mi nango koteburise atima edo ewa, edo awa sisira, ami awa ingo rawo do nango gae etewa awa eowo, nango da edo ingo rawodo gaetera awa edo era. 7 Eiedo embo gido awa nango da Nano namendi, nango awa ungo mi ingo da tumoda ari da pepetise awa tawo isera, eiawa embo nango da dubo wewera awa soreguri sesa. 8 Imo Gitijari da ge Moka be ainda petadesa awa atari ewamei tambadesa. 9 Nango mi Mama Utuda ategari awa ro itadera ingo embo. Nango da dubo ewa mei ari ro inge ingo mi etewa awa Mama Utuda da yei da iti tera. 10 Iji edo tumba awa nango iso bombu rawodo gido iso jaro jaro nei tumonda arida awa kondade adera awa gadera. 11 Mama Utuda edo uso mei Iesu da awa uju gari awa imo kena yadera. 12 Ingo naso gitigari me ari iso dubobari embo nei da yei da awa ari bajare, edo nango mi ingoda yei da era awo do are. 13 Unemi goroba ari atari awa buria aie emba awo do, Mama Utuda ainda kotopu da atiroso uso mei ingo naso Gitijigari awa uso embo kotopu de bugare.