Tano 2

1 Ingo suka gosewa awa,nagoda nano namendi, nango awa tepo ingo da yei da buwaera. 2 Ingo gosewa awara, tuturo da awa nango yei jawo Filipi sedoera awa Mama nago da utu da ainda goroba ari burise awa rawodo edo ingoda yida binga ewamei awa soro ingadewa awa isera. 3 Nango da jasiga borega awa emboro biae da aera. 4 Awarate, nango awa nangoda Mama Utuda ami uso binga ewamei awa rawodo tumonda orase sisira awodo awa edo isera. 5 Ingo gosewa awara, nango tumonde baing tepotapo ae, jinaga da wasiri awa ise ae sirago awa ae. Mama utu da ami umo usuka gosira. 6 Nango awa embo mi nango gorase ae edo ingo embo nenei mi gawase ae ra. Nango da dipapa be awa nango Mama da Mei ainda ge awa sari embo mei awa do atari dipapa era. 7 Ingoda teda nango awa kakana, teta aia mi uso kinapina tavo rawodo edo ira. 8 Emboro eiedo, ami ingo mina biae budo ewa. Nango awa tepo Mama utuda ainda uso ewamei awa nembo kando adi aera te, dubo ewameide ingo de umo jiagari dipapa era. Ainda be awa nango ingo duboburera. 9 Ainda nago da buro okaing awa ingo nango da nano namendi mi jiroda ita dewa. Tumba edo iji awa nango buro edo isera ainda be awa gaegae edo Mama utu, ainda binga ewamei awa siriroro ingoda mina bari awa wosura se gido. 10 Ingoda diti mi gosewa edo Mama utuda awa daedo gosira, ingo embo awe gebe ewa aida yei da awa nango ingo kotopu ise awa ingo da yei da wasiri ewamei edo era. 11 Gari da awodo awa ingo dada mi ingodena rawodo ri ane gosewa awa ra, te-ta Mamo mi uso kinapeina topo da yei da edo ira gari da awodora. 12 Ingo jasiga ise dengoro bagoro ingido awa ingo da pepeta awa Mama utu da ainda gari da awodo awa ade wa. Une mi awa ingo jawo seuri Uso atari yei ainda torido. 13 Eiyawa embo gido ingode na daedo Utu da Mama awa be aiyae sadera, imo utuda mama ainda uso ge awa nago mi, sero igesa gido ge awa busu emboda ge awodo badiaera-te mama ingode na ari embo ainda ge-awodo burise edo ge ami ingo ge-be ewa embomei ain da joda buro adira. 14 Edo ingo, edo ingo nanonamedi Mama Utu da atima edo ira, ainda uso orobe nenei yei Judia ainda joda uso mei ingode na soregurisira. Embo awa ambo ambo edo era embo mei awa beisiga edo era. Ingo daedo ingo da yei embo mei ami ingo da yei da wasiri gari da awodo awa eoro jaredo edo isewa. Wasiri ane Jiu embo mei da yei edo isera. 15 Ane Jiu embo mei mi ingo de naso giti jigari yesu de Mama Utu da aida uso ge sari embo mei ane detero bebetise ra. 16 Ungo awa Mamo Utuda awa embo berari de gitopo edo ise ra. Undo daedo nago mi Gentael embo mei yei da soregari ge awodo awa seorase sedo isera. Ainda uso mina ane ungo da jimbo topo awa vitido nembodeba be edo isira. Eindo tini gambari ane iji sangove da ungo da ye da buwadi ra. 17 Awarata, iji tupo be ainda awa ingoda naso umo jigari awa seugadera, sisi da ane atadi ra. Nago awa dubo awa mei be de ingoda dombu gadera awa dipapa era. 18 Nago ingo da yei da buvari dipapa be isera, nango Pol ga da budo sekago buvari dipapa isera te, Asisis biae mi nango beigurisi ra. 19 Ingode naso soregari embo awa buvadira iji ainde ingode na, uso joda buvudo derido mo ingo denaso tumonda ari edo mina bari awa rawodo baderi? Amo ingo de ati ta? 20 Imo awa nango da edo budo ewamei ari ra.