Huu 6

1 Poiake nana noo ma taiqanade baula ede, nana ohoquba paha nii qasa hilemi ; nii edoqa Ohongaho baluna hena oke qade sepenadaino . 2 Noihe, "boiya qia oda ana niiho kila nokolai oma paha kaipo boiya oda ana nii hobilolai". Molale poiqa boiya meni,poiqa hobihobi ho boiya . 3 Nana bamu abi deho dede oke sibaqu , ohoqubake napaho sinabia dupu oi bamuqa japa qanga oke aimaqu. 4 Ohoqubake napai sama napameke aima baqa Ohongaho baula abi nadaqa heme ma bame ma kaipo oke jubale, 5 deda ma danga kaipo ma qanga hasi. 6 Gesina sasali ma qupakeba ma olama qala qia oi Qaheuba sumasa ho jao meni. 7 Noo menipamu oi Ohongaho bejae,oi paha koma danga pobipobi nomaho bodo pobi ma bodo mage . 8 Japa mina nooma ma japa ama , noma pobi qanga ma pobi qia, oi obela nihe oi paha meni, 9 gesinanihe oke paha moqi lume nadolai,badolai,oke paha momi ehahake olai, oke sudasuda edolai hee dede badamani. 10 Qupaheme oke saudolai, ohoqubake paha qaki ma naki edale ,kaipo nooma nihe paha samaneke hobilemi tuma ma baunoma nadolai. 11 Nanaho dooma ma qupa qupa oi nike Kolinti abi ma olai . 12 Nikeke nana sopala eda manihe qia nikeho oi nike sopala edolai. 13 Poiqa noo qija nike ma napaho, oke anahe,khamede nikeme ma paha sama nikeme moqa pobidale. 14 Edoqa abinaga noka hisi ama, oma taiqa nadaino, pobino ma kahosanoma ,jaja ma qupi taiqa nadolai oho dupu oi dupu kanomani .? 15 Noo sudasuda kanomake Kilistui obela abi ma edaqu,? mai noka hisinoma qubapeke abi noka hisi ama oma taiqa nadaqu.? 16 Noo sudasuda kanomake Ohongaho guhu paha ohonga owela wela ma edaqu.? Oi dehoquwa bahe napai Ohonga qala qala nooma ho guhu, oho qubake Ohongai hee; "Anai nokoho bisada oqa duma ma bawa edolako, edaqa ana nokoho Ohonga nadak, ede nokoi naho abima khada nadako." 17 Ohoqubake , Ohongai hee: "Nike naho dolobaqa sama nikeme qaheu bilale " edaqa quba samane qanga tokaho oke hesadaino" okedamako ana nike aima baqa jaga nameda modako 18 Ohoqubake anai nikeho maii nadako, qada nikei naho khada ma khamede nadakoi" " Oi Ohonga Bejae nomaho noo.