1 Jailamane name nanai ango Ohongaho nalu noo oke aimami olai,onida napai sama napameho jaoma sumasa obelaho isaki oke gama qadale,edeqa Ohongaho neseda sasali nadale,napai ati ipi ma Ohonga maiho neweda somaqa noo nohoke ihaqa sasali nade qalale. 2 Onida nike nana jaila edale, mohimi nanai paha noo obelake hilolai jalo ma paha abi deke qanga hibamani 3 Oke ana ako nike pobi hile,anai bamu nikeke bodo koko edaqu,oke ana bamu jukubaqu oke ana meke nike pobi hile. 4 Oke meke ana nike pobi hile, naho naku nikeho quba qaki minake saliye ,oi bame sani nanada bilanadolai,edemi anai qupa nese namema nikeke moqolai,ohonebeda naho qupamanaku qaki ma nakiminake salijolai. 5 Masedonia nagapa oda nana bame minaho nakuda olai nanaho diama naku ati pusilemi nana ati ipi ma olai. 6 Onihe Ohonga sani abi dupu nomeke hasu ma qupa kewa moidolai. 7 Oi nikeho qupa ma naku nana ma olai. 8 Ohoquwake naho naku sani nikeho quwa nokami bagenoma . 9 Oi nanai poiqa qaki salie,onida nikei ona miama qupa qanga salie.qadeqa qupa bulisi edale. 10 Oi nikemaiho bamu , oi Ohongai nomai ohoneda baqola, onida nanai nomado apeke nikeho quwa hileda ma ededa, oi bamu nikeke qangaqaidaqu. 11 Quwa samane mina nikehilolai , oke nike ango pobidale , 12 Onida naho jao nikeho baula ma olama qala qia oi gama baqa pana nadale, edemi Ohongaho nese ma pengada ana mohimi nike qupa ma naku oi gama nana ma olai oho khowada nana gee ela nikeho quwa qede. 13 Oho neda nana qupa kewa saliyolai, edeqi qaki minake edolai,okedemi Tito ho sumasai nikeho quwa qaki ma naki saliyolai. 14 Nikeho baula qia ma kokola oho quwake nikeho japa qusuwaidolai, edemi Tito momi noo ma baula tali qia nike edolai oi gama susupu meni. 15 Onihe boiya Tito nikeho dolo bada, nike ati minake ededa, oi noi nikeho olama qala oke qupayomemi noho nakui nikeho quwa jasa minake ededa. 16 Poike ana qaki ede,deho quwa bahe anai momi nikei poiqa, nikeho ola ma qala baqi pobino nade.