Huu 5

1 Napa qupajomami tokaho oladeka, naga napa olai oi qanga nadaquko, Ohonga naga deke napaho quwa qalaqala nagapada godemi olai, oke toka abi bodo ma godama, 2 Oda napa olale hilemi , towa khalake jalemi qalaqala nagapada qemako , 3 Oi kakedehe napa ao towa ma bale edeqi hawana gota napame sengi ede. 4 Napa naga oda olaqi tii hileqi , kaipo ma qangahasi ipi ma jao edemi hawana gota napahoke sengi edemi ,bada ho samake qala qala oi suqobiyako . 5 Poiqake Ohonga napaho qubake, quwa samane oke loiede .Noi paha sumasa napa moideda oi qonoqono. 6 Ohoqubake boiya samane qupa jomami tokasama ma olai Ohongake khala noke olai. 7 Oke nana aidadaumobai , deh nese ma moqolaijalo . 8 Ana oda qupa dadangaideqi sama hoke qadeqi Ohonga ma qalaqalada olako. 9 Oi nanai bejae edolaida qalaqala aimaqumai ,bamumai,ede nohoda qaki nomanadaqu. 10 Kakedehe napa gama qa Malipa Mai Kilistuho nese ma pengada bilanadeqa ,qiani mai qangani nome tokada edaqadaho ipi ma ali saudako. 11 Oi Ohongaho atike nana abi jeimolai deho bahe Ohonga nomai pada olai .Anai qupajomami nana oho qesa nikeho pengada olai. 12 Ana deha sama qusuqusu edolaijalo, onihe nanai qademi nikei nana qusuwaidolai. onida nike abi samaho nemabau noma ma qupaho nemabau ma gesina aimako . 13 Nanai titila nanameke sasada hilolaquko ,oi Ohongaho . Nanaho qupa nakuna oi nikeho. 14 Qadeqa Kilistuho jao ma jasa oi napa ingonaideda, oho meiyo abi dena minalaho quba badeda,oho qubake apei olai oi deqaho jaonomeda olai jalohe ,abi noko quba badeqi qoliadaho qubake olai . 15 Edemi noi minalaho qubake badeda ,oho qubake apei olai oi deha jao nomeda olaijalohe ,abi nokoho qubabada qoliada oho qubake olai. 16 Ohoqubake abi deke nana bamu noi sama nome honiyalo.Oi deho bahe Kilistui paha tokasama noma onihe napai oke hibama. 17 Ohoqubake abi dei Kilistuda olaqu, noi abi usaqe.Qubasamane agobai ango jabededa . Molale oigama usaqe. 18 Poiqa quba minalai Ohongaho,noi napake Kilistuho jaoda ingonaideda.Onida napake baula moideda .Kilistuho nakuda Ohonga toka abi ingonaideda , edeqi noko kahosa qadeda. 19 Kilistuho nakuda Ohonga toka abi ingonaideda edeqi nokoho kahosa qadeda. paha ingona ho sinabia napa pobi hileda . 20 Ohoqubake, napai Kilistuke isaki edeqi olai,oiyo Ohongai baula napa modeda .Nana nike Kilistuho japada qasa hilemi Kilistuda ingona ho taiqa nadale. 21 Abi kahosa amai,kahosanoma ho isakida bame aimami, napa abinaga pobipobiho isakida Ohongama taiqa.