Huu 4

1 Onida , Ohongai baluna henada baula ana moidemi olai , nanai oho quwa qupa pepeladamani. 2 Onihe ,nanai quwasamane miyanoma jukujukuna oke baihileda, nanai owelaho qala qala duma paha Ohongaho noo hawalaidama, onihe Ohongaho noomee panaidolai , oke abiho pengada hileqi panaidola. 3 Onihe qesai sinabia nana hilolai oke moqi qupa jomama nadaquko , abinaga oi bada pobi 4 ohonga tokalahoi apenei aidadama oho qupake nesequpi nomaide, edemi sinabiaho jaiya ma Kilistuho jaiya ma koina oi Ohonga Maiho jaiya ma koina nokoho quwa bamu baibulaqu. 5 Onida nanai mehoke hileqi panaidamani, onihe, Kilistuho oke hilolai, Jesu noi Sopalani ,nanamae Jesuho japada nikeho baula abini. 6 Onida Ohonga, noi elake hileda,"jaiya qupida jaiya baibulako" noi paha qupi nakuke jaiya baibulako,edemi Ohonga,maiho jaiya ma koina nomae Jesu Kilistuho nese ma pengada jaiya edako. 7 Onida,nanai quwa qia tuma minanoma oi toka qapuho nakuda olai, onida abi minalai Ohongaho beJae ma dadanga oi Ohongada baqolai,oi deqaho nanamaehoda baqolaiyalo. 8 Nanai mabe samaneke saliyolai oi nanake suqobilamani, Qangahasida bilanadolaihe, nanai oho quwake pepeladamani. 9 Nanake dedeqi seselo edolai onihe Ohongai nanake lumenadamani,nanake dedolaihe nanai badamani. 10 Nanai boiya ma ede samane ,Yesuho badeda oke sama nanameda sani aimaqi dumolai, oke edemi Jesuho qala qala paha nanaho samada pana nadolai. 11 Nana apei ehahake olai ,nanake Jesuho japada nanake dede badakoqi edolai, onida Yesuho qala qalai nanaho toka samada pananadolai. 12 Onida badai baula nomeke nanaho quba edolai ,onihe qalaqalai paha baula nome nikeho quba edolai. 13 Nana qupa ma sama dena, oi qedaqeda deda qedemi olai "oke ana aidadomaqi hileqi panaidolai" nana paha oho qesa aidadomaqi noo elake hile. 14 Qupaqupa Jomami abi dei, Jesuke dukudoda, oi paha napake gama taiqake dukudako. 15 Quba samane nanai edolai oi nikeho qiyaho qubake edolai, Ohongaho baluna hena oi abi quba hasa ma gege ma Ohonga japa qusubaidale 16 Nanai pepeladamani, bamu nanaho samai jeubolai onihe nanaho qupa boiya samane usaqewa nadolai. 17 Nanai heme ma bame saliyolai oi boiya hodeho, onida nanai qupa jomami qalaqala qia nanai salijaqu oi qubasamane qesa tokahoke lidolai. 18 Nanai quba samane nese ma moqolai oke deqaho moqo laijalo, bamu onihe qubasamane nese ma molama .Qubasamane moqolai oi boiya hodeqahoni, onihe nese ma molamaoi oi agoba qala qala qalakoi.