1 Napa bosahede sama napame qusuwaidema? Nanai deho gee nikeho quwa qedaqumai niikei nanaho quwa gee qededa oke mee hiwaqu, ona abi qesai ededa, meke nanai samaqusuwa ededama? 2 Niike niikemai nanaho qedaqeda noo, nanaho qupada qedemi olai. Minalai oke isaide moqolai, 3 banaidehe Kilistuda bada, oke nanai kokola edola, bodoma qededa bamuhe Ohonga qalaqalanomaho Sumasa, oma bitaku da qededa bahe abiho qupanako. 4 Nanai Ohongaho quwa Kilistuda dadanga aimola. 5 Oideho nana nanamai isanade quwa minalake nanamai edolaiyalo. Bamuhe, nanahe isanadeqi olai oi nanai ango Ohongada isanadani-pamuni. 6 Ohongai menipamuke edemi napai polodongo usaqewaho maimane, qedaqedaho bamuhe Sumasahoni. Qedaqeda kinisa bamuhe Sumasai qalaqala moidola. 7 Baula kila ona baadai aimabada qedaqeda omana qededa oi dadanga samadema bami Isilai abiho khamede Moseho pengake moqi bita ededa, quwadeho bamuhe Ohongaho beyae Mose ma bada. 8 Qadeqa Sumasaho baulaho beae minanimai? 9 Baadaho baulatali oi koinanoma olapuke, kakedaqoko qalaqala-powipowi menoma hihiaanoma olakoda! 10 Menipamuke, quwa-apei hihinoma qada oi poike hihihini-pamuni quwa dehobahe hihihinoma usaqewai bilanadeda. 11 Quwa-apei ako bmunadoda oi hihihima bada, boia khala edamake quwa oda oi hihihima bada, oi Moseho isaki bamu. 12 Boia napai qupayomami napai dadangama olai napai ako baula oke edale, 13 oi Moseho isakibamu noi jamooa modoqada,modomi Isilae abi powinoke quwa-apei bamunadoda oke molalo. 14 Onihe nokoho ihamajowia oi dadanganadeda. Qami poiqa boiyalai bada, bami jaamoa isaisa oi polodongo agowa ma qada. Oke aime qusuwaidola, quwadehobahe oi Kiristuda bamunadeda. 15 Onihe poiqa boialada Moseke isaide jaamoai nokoho balunada meqola. 16 Onihe boia abidei Sopalada bawe, noho jaamoake qagomola. 17 Poiqa Sopalai Sumasani, onida kaqada Sumasaiolai oda qalaqala saqosaqonomai olai. 18 Poiqa napa gamasusupu jaamoa pengama, momi Sopalaho neemabau hihihi napada aimola. Oke paha hawala edemi samadena hihihi ma hihihi sopalaho doloda samadena oi sumasani.