Huu 12

1 Lai samaqusuwa ho isaki, onihe deqaho minani jalo, onihe isanade qupaho nese ma panaideda Sopalaho neda. 2 Oi diboia 14 bilanadamake omi.Anai abi kanomai oqi, oqi qupakhada namema Kilistuho Sumasa ma qesa hongasile omi noi anake aimeqi pei qusu nagapa bisaqapuda mododa.Onihe ana samama peideda mai neseke qole moda mai 0ke ana lumenade. Ana paha hile, samanimai Sumasaho isakida ana oqi moda.Ana lumenade.Ohongai noqeke gesinanihe,menipamuke ana moqi qupajomada. 3 Anai abi oke gesinanademi -oi qupa nakuhoni mai sasahoni, anai oke lumeni, Ohonga denai oke gesinani - 4 Oke aimaqi qusuhawa dumada, dumaqi quwasamane qaheuwana abi lume oke hileda. 5 Abi oho samasama da anai samaqusuwa ede. Onihe ananamai bamu samaname qusuwa edaqu, onihe dada ma pelewa namehoke ana hiwako. 6 Oi anai sama namehoke hiwaino oke hileqi,ana baihile. 7 Okedemi Ohongai anake namesa ma napoda quwasamane banaidemi moda.Onida anai edoqa oho sama qusuwa edaino hileqi naho nese kodolemi, koo oi paha sadaho esa naho iwo nademi ana kaipo edolai. 8 Boia dapalike ana Sopala pupu hileqihe oi anake adale. 9 Onihe Ohongai hileda,"Naho balunahenai niho quwa isanade," oqada naho bejae ijoijo nipamu. 10 Onida anai qadeqi pepe nameho qakiqaki edolai io dehobahe Ohongaho dadangai oqada pananadolai. 11 Molale, anai nikeho bisda qaluabi isakinadeda ma Ohongaho beyae. Onihe niike moqi lumenadeda. 12 Baula anai nikeho bisada ededa oqaikeke Ohongaho japama beyae dadanga panaidolai.onida moqa qupajomale. 13 Khowa apeho quwake niikeke mainake ededa. Guhu qesake mainake ededa oqada nana deqaho ni mawe moidalo kahosa naho qadale. 14 Onida ana paha niho dolo babe qupi dapali nadaqu oi niho qakiqaki oke nahoi lidanipamu.Molo mai ma paida agoago khamede ho oko bilanadolai. 5 Ohoqesake ana nikeho jasa edolai oda samaname bagala bilolai.Oho ipike nike naho gotahe edaqumai. 16 Qadeqa nike poihe Pauloi nana tapuida nomequwa amolai. 17 Ana deqaho abi deke jobileqihe naho quwa teniteni hibaleqi jobijalo. 18 Ana Tito ke niho oko jobileda, paha noma dema Tito.Onida Tito ikoiko abi bamu. 19 Nii qupajomami? Boja minalake nana nida dilele edolai mai Ohongaho pengada ana Kilistuho quwa edeqi nike qanoqano nomaide. 20 Onihe ana nikeho dolo bilanadeqi momi nike hu ma kolia gume ma mela deda ma danga ipidume no ma olaino. 21 Onihe nanai babaqu Ohonga poi nana hasu hibaquka mai bamu.Oke edaquko nanai tii ma jasa noma.