1 Oi nana poiqa nikeho dolo babaqu oiyo qupi dapali nadako , onida abi eseli mai dapali oi hee ,ole meke nana abi bame kolawedolai moli, hiwaquko , qada nokoho noo oqaiyo pobinoni , 2 Onida ana ona qupi eseli nike ma oda , ana ako nike noo moideda, oiyo nike apei kahosa ededa ma nike qesa , onida anai paha ipida ogama bawaquko anai bamu nike ona bame kolawedolai oke qaga edaqu, 3 Onida ana meke nike pobi hile Kilistui bamu noo nome hoquwake nike ma napa bita edaqu ,bamu, noi ango bejae mina nime napa bilaidako 4 Oi nokoi ee hapa hapada gosoloda boiya oda noho beyae bamu, onihe Ohongaho beyae oda noo qalaqala aime olai. 5 Boiya samane nike ma napa sama iha ma jowia napame asada molale, Yesu Kilistui nikeho nakuda olai oke nike lumeni? onida noi nike ma olama nadaquko nikei bamu noke mekeqoma hisi edaqu , 6 Nike asabila moma meke nana Kilistuho baula meke edolai mai .? 7 Anai pupu hilemi nii quwapeke qupajomami oi bila nadale . 8 Oke nike gesina nadolai napai bamu noo mee oke bamu baihiwaqu, napai noo mee oke dakomako . 9 Onida nana qesai dadanga bamu ,qada nike qesai dadanga ma olai nana nikeho jowe minake hile, edeqi nana Ohongaho doloda nike quwake pupu hilolai. 10 Sopalai baula nome ho quwake hileqi anake asadeqi anake bejae nomaidolai, edemi ana paha nikeho hisi oke dadangaidolai, bamuqa nikeke qanga qaidaqu . 11 Noma mane ana noo name bamuideqiyo, nike aipo biyako, onida nike hisi dadangake aimaqa sowasowa nipamu ho isaki oda olale,noi nomai nike ma qalako. 12 Onida napa Ohongaho oko ma bodo dupu nike dena ma dena qesa jowe ma kanakana edale. 13 Aidadauma dupu nike jowe hile. 14 Sopala Jesu Kilistuho baluna hena ma Ohonga maiho jasa ma Qaheuwa Sumasaho kokola nike ma olale.