1 Ana jaoedemi, niike qademi ana quselipo noo gatiqa deke hiwaqumai. 2 Anai Ohongaho quwa niikeho ipidume noo hile .Niikei Kilisuho adapowi hiwahiwa oke adapa ehaha abiho dede ihama oho isakike apupowi nikemeho bewe edale. 3 Onihe ananamae atiede, oho khowai jodadai nemi napaho Qewa oke owela nomema ikowededa, oho isaki edoqa nikeda bilanadeqa qupa nikeho Yesu Kilistuho qalaqala sasali lasaki edaino . 4 Oi abi qesai baqi nikeho bisada yesu mainahoke hileqi panaidolai, yesu ohoke nanai hiwamani. Ohoqesa niike sumasa mainake saliolai, oi deqaho Qaheuwa Sumasa niike bosake aimada, ma paha sinabia maina oideqaho sinabia niike ango aimada oioniyalo, onihe quwalanomai bilanadolaihe niike qiyake olale. 5 Nokale, anai qupajomami ana namai deqaho`dumakhamedo - beyaenomaho isakiniyalo'. 6 Oi anai deqaho sinabia hiwahiwake taliedalo, onihe anai deqaho gesina bamuniyalo dede samane minalada nana nikeho quwa hilemi pananadolai. 7 Meke anai sama nameke aimeqi qulademi niiho japai peidolai, oi kahosanima? Anai sepeke Ohongaho noo niikeho quwa hilolai, oho tumai bamu. 8 Ana sinabia dupu qesada howihowi gume edeqi tuma name aimaqi baula niikeho quwa qedolai. 9 Boia anai niike ma napa oda edeqi ana kaipo saudoda, ana abi deke bame moidamani. Oi noko nomamane qemo Masedonia newena, nokoi naho kaipo moqolai.Anai baula mina edolai, anai bamu niikeho bame nadaqu, anai oke iholako. 10 Naho nakuda Kilistuho noome oi olai, ohoquwake naho samaqusuwa lai bamamu Akaiya hawama nagapada luhi edaqu bamu. 11 Kakede? Quwapeho quwake nanai niike jao edamani? Ohongai gesinani, meke ana nikeho jao edola! 12 Quwa apeke ana edolai, ana oke edolako, edaqa apei napaho isaki nadakoqi edolai oho jaojao ma qupaqupaho dedeke silemi nokoi baqa qulada nokoi napake moqolaiho isaki da olako. 13 Abi naga onomai doo abi owela ma baula abi owela nokoi abi ikowedehe nanai Kilistuho doo abi. 14 Edoqa oho quwa loqowedaino, oi Sadai samanomeke gimuta edeqi paha angelo jaiyanomaho isakinadola. 15 Oho quwake boleqa loqowedaino, noho baula abi paha sama nokomekehe nokoi powipowini hiwako. onida ipida nokoho baula anga oi pananadako. 16 Ana paha hile: edoqahe anai abi quseliponi hiwaino. Onihe abidei anakehe quseliponi hiwaquko oi isanade,ana paha samaqusuwa noo qesake paha hiwako. 17 Quwa apeke anai hilolai,oke ana bamuhe Sopalaho jaoni hiwaqu, bamu, anai quselipo noo hileqi sama qusuwaide. 18 Oi samanei toka samaho neda sama qusuwa edola. 19 Onida niikei ihama jowia qiyanoma oi paha qakima abinaga quselipoma olai. 20 Oi ela,abi dei niikeke jeima sudasuda baula nomeke edaqumai,nikeho quwasamane oke bamuidaqu, mai owela hiwaqu,mai ikowedaqu, mae samanomekehe abi mina, mai nike domapadike dedaqu. 21 Onida.Mianameda anailakehile nanai dadanga apeda qalaqala lake edaqu bamu .Onida abidei samanome qusuwaide,ana namae paha quselipo noo hile. 22 Nokoi Hibuluho abini mae? Anai paha Hibulu abini, nokoi Isilai abini mee? Anai paha Isilai abini.Nokoi Abulahamuho emanenimae, anai paha Abulahamuho solo ma saina. 23 Meke nokoi Kilistuho baula abinimai? Anai abi lumelumeho nooke hile, anai qupayomami, anai baula minake edolai. Abi anake sudasuda da bileda ,qupi quwaminake, anake dededa, dedemi badaho neda ehaha nadeda. 24 Qupi 5 ke ana Juda abiho bododa danga 39 oke aimada.Oi 40 onihe denake qadeda. 25 Qupi dapalike noko anake aini ma dededa,qupi denake noko ana omama dededa, boia dapalike ana sisimada qanganadeda.Qupi dena, ede dena oke ana besa qausoda oda. 26 Ana boiya samaneke hawakhalada dumada,owada anga saudoda, gume abi ana sanada saude naho quwasamane aimada, talinameda anga saudoda, Laba-abi da ibo salieda, meusu nagapada bame salieda, hawahawana da iwo saudoda, besaqauso da iwo salieda,noma ma naneqangaho bododa anga salieda. 27 Anai baula dadanga ma bamenoma oke juwaqi baula qededa, anai qupi samaneke melamani, anai melane badeda,paha owaquwa badeda, anapaha hudingi nadeda ma paha japaneda meda. 28 Quwa qesai paha sasada bilanadeqi ana suqowileda anai qupima sausamane Ohongaho oko ma bodo dupu sopala qedolai. 29 Oi abi dei pepelademi ana paha pepeladolai quwadei edemi abidei kahosada dademi ana bamu oho quwa jauwa edaqu. 30 Anai samanameke qusuwaide.Anai quwaqesada pepeladolai oke niike banaide sama qusuwaide . 31 Ohonga noi paha Sopala Yesuho Mai noi agoagonoma qalakoi, oi qupajomami anai obela hilama. 32 Damaska nagapaho tokasopala dei abi ohonga Aletaho pesuda baula edeqada, oi hilemi qaa abi Damaska nagapaho dedepadi oda qoleqi anake aimaqi sudasuda da bilako hileda. 33 Onihe anake qesamane nahoi balalida bileqi meusu nagapaho pou dumena oda anake qogobilemi quladeda, edemi ana noho bododa atidumada.