Huu 10

1 Poiqake ana Paulo namae nike gama Kilistu ho hasu ma kewa oda nike jowe hile.Anai nike ma napa olai oda ana hasu ma kewa ,onihe boja anai nikeke qada haba khalana olai oda ana nike noo jauba ma hilolai. 2 Poiqake ana nike pobihile, boja anai baqa nikema napa olaqu,oda anai bamuqa nikeke noo jauwa ma hiwaqu, onihe noko apeyo napakehe, napai tokasamaho jao oda dumolai,oke hilolai ohoquwake ana nokoke paha noo dadanga ma hiwako. 3 Oi meni, napai tokada olai onihe,napai deqaho tokaho abi oho qamana oho isaki oke edolai jalo. 4 Koma danga napai aimolai oi deqaho tokahonijalo, oi Ohongaho bejaeni,oi isanade toka samanoma ho bejae oke aima quladako, 5 Nanai sani abiho ihama jobia, mema obela qanga apei Ohongaho gesina ho dede oke pusilolai.Nokoho nokanoka ma gesina qanga oke aima sudasuda oda bilemi noko Kilistuho noo qusubaidako. 6 nikei noqusubake edaquko qada nana abinaga nobasesa noma oke aima sudasuda oda bilako. 7 Abi dei Kilistuma dena nadakoqa hibaquko qade noi oke dale, onihe nanai paha Kilistuho tali da olai. 8 Ohoqubake anai paha bamu Sopala ana bejae moideda oho miake ana bamu edaqu 9 Ohoqubake nikei edoqa molamola nikemeda oda anake hee anai gee nameda nike atihubaidolai. 10 Oi meni, abi qesa anake hee " noho gee oi bejae ma bamenomani onihe nooma napa olai boja oda napai mohimi noho toka samaho bejae oi bamu,hibahiba noho oi meamani oke hilolai" 11 Ohoqubake qade nokoi nokome moma ,anai khalana oqa gee qedolai oho isaki ma paha anai napame olaiqa noo ma doo hilai oi sama denanimai? 12 Napai bamuqa sama napa meke paha abinaga apenei sama nokomeke qusuba edolai oma isaki edaqu, nokoho gesina qia oi bamu. 13 Napai bamu sama napameke qusuba edaquho baulake edaqu,Ohongai baula apeke napake moideda oho isakida napa baula oke edako. 14 Nanai bamuqa haba khalonoke dumaqu;oi dehoqubahe nanai bosa Jesu Kilistuho noo aimaqi nikeho quba bada. 15 Nanai bamu abimainaho japa pobida japa nanameme aima peidaqu ,nanaho baulai nikeho aidadomake dadanga edolai. 16 Nana sinabia baula edaqa nikeho nebe oke qadaqa habakhalada dumako,nanai bamu abinaga apenei sinabiaho baula ededa nebe oda bamu dumaqu 17 Abi apei qaki edale hileqa ,Jesu ho japada qaki edale. 18 Apei japa nomeke Ohonga ho neseda aima peidolai noho japai bamu onihe apenei japa nokomeke aima quladolai oi Ohongada nebeda oda japa pobinomani.