1 Aidadauma abiho baulataliho noo hilolai,oi dehoqa quwame deke anai nikeho quwa qedaquni bamu. 2 Anai ako nikeho loiloike gesinani,oke ana Masedonia abi powihile samaqusuwa edeqi nokoke powihileqihe Akaia dii manoqoda loiloi ededa.Edemi nikeho baula qia oi noko samaneke dukude jeimolai. 3 Onihe ana nomamane ke jowile, onida nanaho samaqusuwa ona niikeho newena hilolai oi bamuqa baulalada sepenadaqu,ohoquwake nikei ako loiedale, oke ana akohileda. 4 Oke qadaquko,Madedonia abi dei anama baqa niike mohima nike loloi edamani,edemi nana mia edako -bamupaha niikehoke hiwaqu -lana nanai niike na dadanga aimolai. 5 Ohoquwake ana qupayomemi oi meke nomamaneke powihilemi nokoi ako nikeho oko baqa qonoqono apeke niikei ako loibileda oke loiloiedale.Dedelada loiloibilemi oi agoago nomani,oideho abike dododo hiwalo. 6 Ana lake nike powihile, apei qupamoide moidola noi paha aimolako, qada abi dei agoagoho dededa jalolai noi paha agoago nomake saliako. 7 Adehima abi denadenai qupa nomeke iha moidale bamuqa qupa qangaqanga ma abiho dododo quake moidaqu. Ohongai abi qupama moidolaiho jaoke edolai. 8 Ohongai hailamaqake balunahena nomeke gama ede nikeda menoma nadako oho quake quwaminalai, gamaqa nikehoikekeni. Nike quwa minalada menomanadako. 9 Qedaqeda dei lake hileda "Noi tihubilemi hawa igabileda, noi kaiponomake moideda, noho qalaqala powipowi oi ipibile qemaqalako." 10 Poiqa noi julubia abike quwadubia moidola edeqi pata moidola noi poike patabia meupu nomaidako, edaha niho qalaqala powipowiho mee oke minaidako, 11 dede minalada nikeho qalaqala powipowiho agoago powi pelebilako, oi nanada Ohongake japapowi moidola. 12 Baulatali lana nikei edola oi Ohongaho aidadauma abidupu howilolako, oqaikeke bamuhe oi paha nokoke Ohongada jowema kanakana noo maidola. 13 Baulatali menoma laho quwake nokoi Ohongake japapowi moidola oi nikeho doqusuwa Kilistuho sinabia baula hile panaidolai ma niikeho moida ma aima nokoho ma abi minalada olai. 14 Adeqa nokoho pupu oi niikehoni, niikeho quwa olai quwadeho bahe Ohongai jasanomeda niikeho bisada dukudolai. 15 Joweminai Ohongada dume dehobahe noho qonoqonoi minaqangani pamuni.