1 Nanai nikeho neda qemada ,oi deqaho sapala nadalo oke nikemai gesinani, 2 Oi nike nokami Pilipi nagapada abi deqaho ohoquba noo jahidalo,Bamu. Ohongaho pengada baatigala nadeqi, nanai paha nikeho doloda bilanade kaipo ma Ohongaho Sinabia nikeho quba panaideda . 3 Oi nanai deqaho nikeke ikobedeqi sama nana meke uhude badabile babalo ,bamu. 4 Ohongai nanake mee hileqi deqaho sama qusubaida qubake edolaijalo, Ohongaho baula qaipuda qubake edolaimi nanaho qupake noi mee hilolai. 5 Onida Ohongai momi nanai deqaho kahosa nese ma qemaqi nikeke aliali, hibalo, oke paha nikemai gesina, 6 nanaho japake abi qesama nike :oke aima qusubaidaleiqi deqaho qupa jomalo . 7 Deqaho hilolaijalo onihe kokola paimane khamede kokola edolai oho isakida nikeke duhole baqolai. 8 Oi qesa sama nokome qusubaideqi hee , nanai Kilistuho qaheuba qalu abi onida nanake duhobale hilolai. 9 Onida nike edoqa heme baula edaqa nanake kokola edaino, hileqa edebake sama baula minake edeqi, qupibake nikeke Ohongaho Sinabia hile qada oke edo lume nadaino , 10 Edemi nike nokahisi ededa , oi Ohongaho penga ma neseda mee, 11 Onida mai dei khamede nomeke keba ma japada jeimolai oho pomake edeqi , nanai nikeke qogo ma saga hileda . 12 Onihe nike ola ma qala qiake edemi naho nebeda isanade qubake namai paha sinasina hile. 13 Oke ede qama, nike Ohongaho noo nokami poma abiho noo bahe Ohongaho sinabia, diaqia ma nike aidadauma noo oke oho quba nana Ohonga hasa hilolai. 14 Oi bosada Judia habada abi samanei Jesu Kilistuho japada adimolai, noho oko ma bodo nadeqi, Juda abi qesamane nokohoi nokoke bisi edeqi qanga qaideda, onida nikei nokoho taiqa nade pepeladama nademi namai oho hasa hilolai, 15 Juda abi nokoi agobake Ohongaho doo abi deqi oho qesa Jesuke dededa. 16 Nanai nagapa abi maina painake sinabia hilemi qia nadolai onida Juda abi baihileqi kahosa nokomeho baga minaide baqolai, poiqa oma baga oi ao nokoho ilida dadehibi. 17 Qade jasimane qia name, nanaho qupa oi agobake olai, oke edei baqolai nanai qama nike boja hode deke qadeqi mainada qalidi, poiqa nike paha nese ma mola jao ede . 18 Oi ana Paulo sama nameke hile, anai ango qupi qesada nikeho doloda bilanadeda, onihe mohimi Sadai qupi samaneke dede sileda. 19 Onida nikemai nanaho doo ma papala nadadolai, 20 ma nikeijo nanaho japa pobi oni, Jesu Sopala napameho pengada hile ede.