1 Paul ma Silvena ma Timoti nike oko ma bodo dupu Tesalonika nagapa na olai , nikehoquba nolake qededa nokale, Ohonga mai ma Jesu Kilistuho baluna hena ma hasu ma keba nike ma olale. 2 Boiya samaneke nana Ohonga joe hileqi, nikeho japa pupuda modolai. 3 Nike Ohonga maiho pengada Jesu Kilistu Sopala napameho qupaqupa edolai , onida dadanga nade jasama aidadauma nikemeke edeqi ,baula samaneke edolaiho pobike nokaqi nanai oho hasa hilolai. 4 Nanai mohimi Ohongai nikeho jaoke edeqi ,asadeqi qemolaiho isakini , 5 Oi nanai nikeho bisada ,Kilistuho isele qiahilemi ,nike momi nana nikeho bisada olama qala Sumasaho noo mee oi gama nikehoda menoma nadale . 6 Menoma nademi ,qesai nike qanga hasi moidemi nike pepeladamani ,qiba dedeqi Qaheuba qaki ma naki qupajomaqi nanaho noo qusubaideqi ,Ohonga Sopalama nanaho dedeke iholai ,joobe, 7 Dede oke gesina nadei dumami Masedonia ma Akia habaho abi qesa samanei, noko hisi edeqi paha nikeho pomada ipibilolai. 8 Oi nanai nokami nikeho isele qiake mee hilolai ,Masedonia ma Gilisi ma haba qesa sinabia ,ako noka suqobilolai keba oke nanai paha hilolai . 9 Onida nanai nikeho doloda baula edemi , nikeme ngauma bileda oke nike samaneke bilaidemi nokomai oho qesa ola qala nokomeda dede salieqi oke nanaho quba banaidolai . 10 Oi Ohongaho pulaba napaho Ilida dadakodahe,noi napake ingonaidaleiqi khada pobihilemi napaho habala nadeqio badeda .onihe mai noi khadake bada neda dukudomi noi qusuda peidedahe oda qalaqudoke bulisi eda babalionike oke gama qupajomaqi oho qupadobake. joobe mina .