Huu 3

1 Onida nana niho quba tima jasa suqobia nomake ededa oho quba nanai dede qilede noma Timoteo oke nikeho quba jobilemi nooma naka hoda gatia isanademi nakamai Atens napada qoloda. 2 Oi naka hee Timteo Ohongaho sinabia baula taiqanida noi nike qogo ma saga hilamake nikeho hisi dadanga nademi, qesai nike qanga hasi moidolai bame oi edoqa nikeke suqobilaino, oke hileqi noo jobileda. 3 Oi nike qangahasi sali jolai oi napaho patani, 4 Nanai nikeho dolona ooda,oda nike hee,aidadauma bosai, bosake qesai nike dolonada modakoqi hilemi.Isanadedamai bamu hileqi qupa muneqi hee, 5 Edoqa ibaija nikeho qupa kodolemi,nanaho baula qanga nadaino . 6 Timoteoke jobilemi dumaqinikeho doloda qaqi paha , bulisi ede isele qija nikeho oke nanaho doloda mode, joobe, noi nikehoke hee bamu,nokoi aidadauma ma jasaho dededa bageke edeqi olai.oi napai nokoho quba jasa edolai ho isaki oda nokoi paha napaho quba baluna digima gemolai.Isele oke Timote noi aime baqi mode,joobe. 7 Oho quba jailamane ,nana nokami nikeho aidadauma isanademi nanaho qupa kebalade, 8 Onida dede elake ede olai nikemai,Sopalahoda dadanga nadeqi qaki ma naki ma olale. 9 Oho qubake keba moidemi nanai oho ipi ma alike Ohonga hasa hilolaihe qioke hile isanadaqu. 10 Oi deho quba bahe ,edeba ma qupibake nikeho penga moqi aidadaumolai, dede nikeho pobida qubake nana minani pamuke pupu hile baqolai. 11 Ohonga Mai ma Sopala napahoi nanaho quba dede bilaidemi nana paha nikeho nese ma penga molale. 12 Nanai edolai oho iskida Sopala , Nomai hilemi nike qesaho jasa ede paha abi minalaho quba jasa edeqa baula oho meupu noma nadale. 13 Oke Ohonga mai hile qamake, Jesu Sopala napameho penga ma Qaheuba abi noho pengada nikeho qupai kahosa amaho sasali nadeqa , dadanga ma kodanga nade abi qesaake jeima,nokoma sinabia ho taiqa nadale.