1 Anona reire imo avona ava enikoeniko du imo mendi natukora er sabua enembo rao, avoretago imo avanu ava enikoeniko da tofore. 2 Tago imo avanu enembo dumenimane da omari da tuva irotagita unda numamo da vita iriva nembo. 3 Aghagita namo sei mendi ariri gova, namo ava nu mbe sabua enembo gore eva endada ari mbari va. 4 Etago ava iri mbe bubiava mo, Godi na unda mendi yesu keriso sinuturie fu sirorauvota evetu enidava, fumbauvota kakara gha da ghajuruva. 5 Umo ava utae akuago da ghajuruva,agha ata namo undurari mendi aririgo irauvota. 6 Avadu nemo yarata gita Godi na etuturieta vorefurie unda asisi kakara namode nanda neno rova,unona namo kori raitue kakara baba. 7 Avadu amo avanu jo sabua enembo rambire tago mendi etago ava mendi umo avanu jojabere. 8 Etago ava iriva imo Godi tanana ambiva, imo avanu sabua manere ava enembo du, nenda anoda ghajuruva jo Godi mane rambiretago. 9 Tago oreki esera Godi mananda etora er Godi mananda ambira,ndaragha du imo kavereta mbe sei ari mbari? Avadu imo inda uno mo ika tova irarigo iri digaribe. 10 Imo tumbeta giro iri manede er sekara manede er ji angae manede jimbato manede. 11 Amo indu oru rouretago,anda begata imode avanu mbe sirorambiva radu. 12 Amo reta ningari roure indu,mambumane amogo egegaridu ava da mbe mo,amombia amo nemo gore.Imo andu akuago ambire. 13 Etago imo nundube, ava avanu tamo isaghavada karu korere de seisei reta isagha utare gaga taubana indu. 14 Avoretago, anda isaghava tamo da endebarimi imo gitutare imo avanu amo unambi er engigha ambire. Etago imo andu riria sinutaravore andu amomo Godi da fakinade enembo er yesu keriso go. 15 Orekimo niavaro inda taubana? Amo indu reta ningari roure, avore iraduamo,imo tofomi inda diti mane gunjeta andu mbove. 16 Agha jore oreki mo amo inda gitofore avada mbe, amo indu gha mbe reire? 17 Nemo madudu resirie imo mbaita,etago jo mbeirambire.Nenda uno mo mbuta fugarire ,ata imo nendu madudu raridu. 18 Nundubari taubana du madudu radoramo taubanare,etago mana amo imode iradirava. 19 Anda mendi ariri nanatukoko,amo kotu mendi ariri fumbaita urota vakiki endeberesua aghago retago indu seibemi keriso indava siroruturia. 20 Amo uno roure anda uno indava irari,avada mbe anda uno jojatofo indavare. 21 Andu rege imo avona namo kaka tuvari er ningambi riora ava gaga? 22 Seibemi gengeda urie Eibaramu mo yarata nengagha,eni avanu begata ariridare er eni keisa evetu dare. 23 Eni avanu sabua evetumi fufae keisa unda dei tamode er unda keisa arimbari de, tago ava arimbari ava akuagore keisa evetuda fufamo umo avanu seibemi reta bou arire. 24 Eva enikoeniko avanu seibe reta isure urie unda mbe fearemi eva evevetu nengagha da isure avanu iyofa iyofa re.Evetu eni avanu esie Saina maidaniva reta er unona mo sabua mendi ariri fufae unda ragaro mo Eigare. 25 Oreki Eigada ragaro Saina maidani nire kotu oreki nanda iri vamo Jerusaremure,avada mbe umode anda mendi ariri de nemo avanu bingoiva. 26 Tago ava itiva vitia Jerusaremu mo umo akuago keisa gita umo nanda anyare. 27 Kotu gembuta ririe,riria egege nemo mambumane nemo avo avona fumbambi egegutaradu,jirirota kori rege ririadu,nemo avo avona fumbarida vakiki endebambi egegutara du,avada mbe ava ari mbari akuago rova fufa evetuda mendi ariri mo oragobere eta ava embodeda va fufa evetu. 28 Etago imo mambumane, imo avouvi, Aisiki go, nemo avanu seibemi reta siya utae. 29 Kotu ava iriva umo avona ava arimbari akuago de siroruturia nemo nenona dorururie er gaiturie umo avona siroruturia asisi kakarade. Ava aghago mbia oreki nanda iriva resirorutue. 30 Etago ndaragha rivita kakara buka va? Iti yae ava anomi begata ari iri de unda unda mendi gha.Avada mbe ava anomi enembo du begata arida mendi mo jo vesa kavevera ambaitarouve unda naimbo naimbo ava nuemi darei taubanava fufa mendi gha. 31 Avadu mambu mane,namo jo ava ari akuago evetu da mendi ariri irambi retago namo avanu ari taubana ari evetudare.