1 Galasesia wa akuago embo! Avonamo gonemo akuago nendava iti? Inda ditiva Yesu Keriso gituturie unda amburari. 2 Anda unomo ava enikoeniko dabakoko indava gita eta mbarire. Eta imo asisi mbera ava kakara omari begatava ninigurota mbe etora? 3 Imo mbe akuagora? Asisi seibemi tutunoetue eta imo inda ava tamo mbevareta keisa adora? 4 Eta imo saghadi enikoeniko du jaritara- Eta mbe keisara? 5 Eta umo avona indu asisi kakara utueatamo begata reka erouvie inda kakara begata da rova urotamo, reninigora inda nigarimi? 6 Ava Eibaramu da Godi ghambe urieta undu taubana mbari isure uria. 7 Ava darei dabakoko aghago va, jiro begata urota mo umo avona ningari jojabe kasava nemo Eibaramu da mendi ariri re. 8 Eva kakara isure seibe gituta govo uriamo Godi na atafe aitue ava akuago enembo nenda ningari mi, Yesu Keriso da ava taubana mbari isure Eibaramu du ririe, indu eta eva enda jojabe va atia enembo taubana mbaita reisue ririe. 9 Ava du umo avona ningari jojabe demo taubana mbie Eibaramu gha, ava ningari jojabe embo. 10 Umo avona kakara omari begeta va ano itiamo umo akuago da rovare, avadu mo ingiso mi ririe, umo avona kakara buka va naimbo riria aghago aghago ambi etua mo umo akuago mbie. 11 Oreki mo roatabere enembo eni jo mbouvu da gorotovareta serigambire Godi da diti va unda kakara omari iri va, avadu enembo tataubana iraitue nenda ningarimi. 12 Etago kakara omari mo jo ningari nambire . umo avona kakara omari begeta aduamo etagita nemo de iroe. 13 Yesu Keriso na mbuta kaveruturie kakara omari mbouvu va reta deiva furia mbouvu etue nandu- ingiso mi ririe. Enembo digari avona ikava gerigadua mo umo mbouvu mbie. 14 Ava du Eibaramu da vesa urogo furauvota akuago enembo du Yesu Keriso dava reta, ningari mi urogo namode retabou etua asisi mbareta. 15 Ikoko mendi, dodoge amo isure mane aire enembo da gha taimi. Embo dabakoko da aita rouvia begata, enembo eni avona jo kasava eta bou ambaitue, deiva itambi aitue, iri eni kakara omari mi isagha aduamo. 16 Oreki reta bou etua isure ririe Eibaramu de unda imendi de du. Egha rambire "imemendi," oragobe du reire, agha rariretago umo mbe dabakoko du retue, ava isure. 17 Anda retura da mbe mo evere: Ava kakara isure, furie 430 jimbato da goituva, jo eta bou ambire ava goituva Godi da gituturota riria kakara isure. 18 Kakara enikoeniko duata furatuamo avore, avadu jo furamibi re reta bou uta isure va. Etago Godi ututurie Eibaramu du goituva reta bou urianu. 19 Eva kakara isure da mbe mo naimboro? Deiva itia da mbe mo akuagore, ava du Eibaramu da imendi furatue ava reta bou etua. Ava kakara isure ituturie utuva omari embo fakina de mane dava taubana de akuago de tega ari embo. 20 Oreki ava tega ari embo mo tega enembo dabakoko nu ambire tago Godi mo dabakoko re. 21 Godi da reta bou uria isure vamo avore ambire? Keisa mbere! Ava kakara isure seibe mi utatuamo avami jebugari utatue, atuadu taubana kasava furatue kakara isure va. 22 Etago isure taubana mi kakara urie enikoeniko digari akuago da ghajuru va. Godi na agha eta mbuta serigaitue nangada ningari mi Yesu keriso urogo utauvaradu nemo avona mbe etua enembo. 23 Ditiva ningari furambi va,namo kakara isure mi bundetue, ika gaura va gajetue du eta gatueta ningari isagha atue. 24 Ava du kakara isure furia namo gifua etueta Yesu keriso furie, avadu namode urogo ningari mi mbe giturauvota. 25 Etago oreki ningari furia mo, namode gifua righari da ghajuru va nambire. 26 Nemo digari Godi de Yesu Keriso de da mendi sasingu re ningari mi. 27 Nemo oragobe avonamo Yesu Keriso de uvu dedegimbutara mo nemo Yesu Keriso mbubuguturera vore. 28 Ava mo Jiusi rao Giriki ra, avomo sabua rao kotofu ra, avo mo mendi rao ariri ra, nemo digari Yesu Keriso dava mo dabakoko re. 29 Avadu imo Yesu Keriso da mbe iradua mo, umo Eibaramu da imemendire, ava reta bou etua enikoeniko da tofore.