Tutuno 2

1 Jimbato 14 va da goituva amo kavereta angire Banabasi nengha Taitasi gade Jerusaremu. 2 Amo aririada mbe mo ,isagha aita gaga taubana Genitoro enembo du isure aita, amo ririre enembo dabako dabako du avona umo nombodero etagita naimbonu riri 3 Etago jo Taitasi,ava Giriki embo avona amode vita mo mangegari mbaridu berate ambire. 4 Ava saghadi saghadi rari embo furia fiaremi gaita nanda erari jebugari yesu kerisode. nemo uno egegetue, ata namo furi sabua enembo aridu. 5 Tago namo jo aretagita eva gha mbe gha tavambire nendava eva gorotova. 6 Tago avona umo nombodero er umo ndaragha goro andava jo avore rambimo, Godi uno utambire. Nendu anu reirie, avona nombode mo enikoeni deiva etambaitue andu. 7 Darei dumeniva neno gigiguturie mo, amo avnu mbe mi begata urire avona umo mangegari mbabi enembo du Fita aghago gha mbe isure ari avona umo mangegari mbiadu. 8 Avadu, Godi begata urie Fita dava unda uria avona umo mangegari mbia er begata urie anda neno rova Genitoro enembodu. 9 Ava iriva Jeimisi de Kefasi de, er Joni de mo tanana urie avada mbe mo, kambo kakara neno urie, er jiro begata urie neno mbari ututurie andu, nemo ututugutae ingo mbe eta fu dabakokova riria aita banabasi de amode.Nemo egha atagita namode Genitoro yaridu, er nemo yaridu undava avona umo mangegari mbambi dava. 10 Nemo reta ningari ituturia mo,namo neno mema enembo nundubore ava naimboreta anda nundubesirare. 11 Tago ava iri Kefasi esia Entioka, amo avore ambi eture unda ditiva, avada mbe mo, umo isagha utae akuagova. 12 Seisei enembo iyofa iyofa furambi Jeimisi dava, Kefasi mundari nendae Genitoro enembo de. Tago ava enembo fufuguta mo, umo dota iyofa angie Genitoro enembo da wareta. Umo oru urie avona ano ututurie mangegari mbaridu. 13 Agha go,Jiusi enembo digari furia akuago de danova tatakembutae. Banabasi mbiago mbuta akuago da rova woworegutae. 14 Tago amo geruria mo, nenda ari mbari anu jo gha mbe gha gita tuvambire, anona nenda diti va ririre Kefasi du,gigo imo Jiusi re tago, Genitoro enembo erari go adora mo, ndaraghaeta imo Genitoro enembo berate ata Jiusi da erari go adu. 15 Namo nandofa fumbariva mo Jiusire jo Genitoro akuago enembo rambire. 16 Namo gere enembo eni jo kakara begata mi ata fe ambaitue tago inda ningari yesu keriso dava mi. Namombia esere ningari mi yesu keriso dava, unona ata namo ningari mi righita fe auwota yesu dava eta go jo kakara gha mi rambi. 17 Tago namo yesu na righita fe urietago namode mo anu akuago enembore tago yesu mo akuago righita jarauta?Keisa mbere. 18 Amo etagita itaireta ere jiradua mo,ava enikoeni naimboreta anda iri eni righita tirigutara mo andofa isagha aitare akuago enembo. 19 Avadu kakara gha da rova amo ambubuturire kakara gha de eta amo Godi du iraitare. 20 Amo yesu de ambubutare. Avadu anona jo irambire tago yesu na vitie andava.Anda oreki vitira jebugari mo ningari mi vitire Godi da mendi yesu dava avona amo neno mbari eta ututurie undofa andu. 21 Amo jo mbuta iyofa itambire Godi da neno mbari, etago kakara gagava taubana avo iratua mo agha joreta yesu keisanu ambubuturie.