Tutuno 5

1 Ava irari jebugari taubana tofo irari du, Yesu Keriso seibe darei tafurutae. Jireta kimu eta mana kavereta vori akuago da sabua ata. 2 Giro, amo, Foro na reire indu, imo indofa mangegari mbadoramo, Yesu imo jo sonembabi aitue darei dumeniwa. 3 Amo kotu isagha urire enembodu, avona undofa mangegari mbaduamo, unda begata mo umo kakara aitue kakara gha digari. 4 Imo tafureta fugitirie Yesu dava er imo anona kakara gha mi isagha uria mo, imo neno mbari endebambire. 5 Ava asisi kakara, ningari mi namo jireta kimu eta gita reisifore taubana du. 6 Yesu Kerisoda va imo mangegaride er mangegambi mbe keisare tago ningari dabakoko mi neno mbari de begata aitue. 7 Imo sumbuta govo riaravore. Avona imo gangada uria gha mbe kakara ariva. 8 Eva gha mbe ari gagamo jo furamire umo avona imo kori ririamo. 9 Eva ingi natuko itadora mi ata gita embe sisisi aitue . 10 Amo ano vitie Yesu keriso dava, avadu imo mbambai aita rioravore gari darei dumeniva. Avona indu akuago mbuta reifua mo imo mino aitue, umo ndaragha go. 11 Mambu mane, amo eta gita mangegari mo naimboro gituraitare. Naimbodu amo deta gata resa. Agaha go da mbeva, ika daya da kimuriria mbuta seriguturie. 12 Nemo avona umo akuago resua, anda uno nemo nendofa nenda tamo tatafure. 13 Imo kori ririe riria irari jebugari du, mambu mane. Tago mana inda riria irari jebugari undiri undirigo eta akuago mbe ata. Neno mbari mi minomino sosonembe. 14 Ava kakara isure mo mbe etue kori dabakoko va. Imo eta gita neno mbari utu inda kambo deva enembo du. 15 Tago imo gambuta vavide mundadora mo gerurota imo jo enembo eni mundambire. 16 Tago amo reire, aitoege asisi kakara de adoramo akuago arimbari uno ambi aita rioravore. 17 Ava akuago ari da uno mi asisi kakara dorueta kotu asisi kakara mi akuago redorue. Ava du nenga embu eta matane reisue, avami ata imo unda uno enikoeniko ambaita rioravore. 18 Tago imo asisi kakara mi gifua aduamo, imo jo kakara gha da ghajuruva worambi aita riora wore. 19 Oreki begata akuago mbe unda mbouvu mo evere,Viro ghanjara da uno, akuago, nundubari akuago. 20 Saghdi tumo dari, kae, meremere jebugari, kha endebari, madudu, mendo nundubari, kambesi du serige serige, gorotova avore ambi ari, katembari. 21 Dingera, uvu akuago mundita gogore ari, uvu akuago mundari usari, ava aghago enikoeniko: Amo indu retura sei ririre aghago, avona umo taragha adua enikoeniko mo jo Godi da vitia kambesi tofo 22 Tago asisi kakara da mbe mo uno jojabere, riria jojabe, ravikeisa irari, tatava mi omambi ari, vesa kavevera, ari mbari taubana tofo,ningari. 23 Kakara mi enikoeniko ari, taita mi inda endebari de arimbari de omari, ava eghago ari mbari va gha eni keisa re. 24 Umo avona Yesu keriso da iradua mo akuago da tutuno unda neno mbari mi umode neno utaitua ambue. 25 Eta namo asisi kakara de iradoramo, namode aito are asisi kakarade 26 Namode mana etagita nandofa righita jara urota nandofa dingera urota mendo areta.