Sabta 8

1 Lai eue louale ke baivela kou leleve ula IESU keu lailoi Dubu kosi kitae olilu. Iale keveata IESU adave vaiteveo ugulumalu. 2 Keu Otogoe DILAVAu uvale keveo lailoi Dbu kosi kitae olisi. Hauve au louale ke ava keu vatau Dubu kosive late asolisito DILAVA avolu loui vaeavale haukalave ke ava. 3 Diu ataea Dubu kosi kitae makage abo DILAVA hoeaseavaleively ovo mamoe kavai vaugevai. Isito lailoi Dubu kosi kitae IESU KELISO keu lailoi toela kalialu amiga vai DILAVA vavui voelalu. 4 Keu vatae ui voele solibeto Dubu kosi olie solilu kosealelu Diuia Dubu kosivea vato abo basuteke lovai ovo mamoe kavei vuva. 5 Diuia Dubu kosive kea aveveu Otogou lovi keu munana late. Katealeluga Mouseseu memila Dubu koulivelu age DILAVAu haivui avoe neniai da talae a haivuale kelate kouso. 6 Iale IESU Otogoe Dubu kosi kitaea lovi ale keu Diuia kosi kitaea lovi ale ke leivialu. Isi IESU au basu ale keta memila basu mamive keta leivialu. Kosealelu IESU kotou dua loui vaeavale kele lailole DILAVA luvita igali toai udua ai uevigei. 7 Memila basute keu duabeto IESU basu doga a solilu. 8 Isito DILAVAu memila ataea aveveabe ke ivage nivele nenie solilu. Ige DILAVAu Bukau kotole loui avoe vaoe vali voleu loige dale Diu ata kelai basu dogave vole vaeavai. 9 Basuale keu memila da vavivuiabelai basuai vaeavale kelate alivelu bele. Memila vali kele da vavivuiabe lohomegei aboili Agubito vata kalevai tilu. Ige da abolai basu dogabe ai vaeavage abo ke huhuai lova solilu katealeluga da ke kalevelu. 10 Isito vaoe vali voleu loige dale Iselala ata kelai basu dogave koseale ai vaeavai dale uvuiabele di koto vaeavage abole ke huhuai lovai. Ige dale DILAVAeabe olie eale dii atate olisi. 11 Vali kele atabeu ba au vavale uvale isi au kakoluvulai loui kosealivelu bele. Ale DILAVA dibalu be eseu ese isi kosi kitae kenenia bahata da dibaevelu. 12 Vali kele atabeu ba au vavale uvale isi au kakoluvulai loui kosealivelu bele. Ale DILAVA dibalu be eseu ese isi kosi kitae kenenia bahata da dibaevelu. 13 DILAVAu basu doga louale keage basuale mamive keu ue solilu.