1 Diuia ataeale abo Dubutelu ata igaligaliai makage Dubuiabe nalivale kelu kosi kitae igaligaliai otoveale keale DILAVAu hau ai abo atalai guliguliai toelaeabe ulialivelu ovo mamoe ke kavei vaugei. 2 Ige ataea lulele solisi aveve toela age Dubu naliavale kosi kitae keu ba abolai tuvualivelu bele. Isito aule kelai uvuai ke hoeaseavei kosealelu kea abota goada solivale ataeala. 3 Iale keluga aule amiga isi au ata bahata kea toelalu ovo mamoe ke kavei vaugei. 4 Atabeu ba dubu naliavale kosi kitae olisi amiga letatavalivelu bele isito DILAVA igaliule au haukala kelu ata letatavai au memila Mouseseu kaka Eloni letatavale kelate. 5 Iale kelate IESU KELISOu haukala kelu amiga letatava solilu isito mamavela letatavai avolu loui avoe au di voo isege dau ai mama. 6 Isi tota laviai avoe Melosedekiu memila dubu naliavale kosi kitae oliale kelate ale ata dubuu kosi kitae olisi vali bahata uitige. 7 IESU vatae ui vali ni volele guliguliai aliota au mama DILAVA imiliaviva. Keu kaeai amiga letatava solisito DILAVAu olate ula avale kele DILAVAu guligulive evisi voelele valu. 8 IESU keu kosi kitae vovela ige mamaveu olavale kotove evisi vateu tuvu agisi isi kele luleleige koo evivale kele ataeale vateu tuvu agigei. 9 IESU au mamau ola ai vateu tuvu kitae bahata agisi dibalelu DILAVAu letatavage au dubuu naliavale kosi kitae Melosedeki kelate olilu. 10 Iale olea IESU ola ai lovai tiale keale ukolikoli mauli agisi avoluvita ui tigei. 11 Da olale koto kele koto vole loui la haivei isito la lulele soliale kele dale oleveo kateai koto ke baive leleve ke loui la haivei. 12 Abela labiagea DILAVAu kotole luleleai loui vole haivei isito la vato olavale ata volea loi DILAVAu kotou umuka ke loui la haivei lai aveve kea eseu esea lovi aukave ke kalei amu ula ivale kelate. 13 Amu ivale esea ese kea aveve toela o aveve dua ke dibae savalu. Isito kosi kitae lovi melite ivale kea aveve toela aveve dua ke dibaevelu. 14 Iale kelate ata olea DILAVAu kotole lulele soliale kea eseuese kelate ataea. Isito ata olea DILAVAu kotole luleleale kea kosi kitae late kea DILAVAu koto ko kaoalogo kele dib vai ivage oleve keu duave isege oleve keu toelave.