1 DILAVAu lailotalai loui avoe la dalu olaluaga daeo loi daluvita uve. Olaoivaga lai lo volea kotove evie solisi lailoi olateave alogo avoluvita ue soliva vovoive. 2 Kea memila DILAVAu koto eviale kelate lai lota kotove ke evilu isito kea koto ke evisi aboi uvu vai avoele vaeava soliale kelega koto keu ke duluge solilu. 3 DILAVAu memila vata age vesuge kele u ulalu iale lai kotove evisi lailoi uvu vai avoele vaeavale lailole tiluaga avoluvita ui isito memila uvale atale kea kelate a solilu ige DILAVAu abolai tuvuai koto isute loui avoe laa ba daeo loi da luvita ulivelu bele. 4 DILAVAu kateai loulu ige Bukau kotou loui avoe DILAVAu au haukala ke vesuiavaito bulale uu ulalu. 5 Koto keu katealu ige tota eue louale koto kelate DILAVAu loui avoe laba daeo loi daluvita ulivelu bele. 6 Memila Iselala ataea DILAVAu abolai louale vatava keveo tieve savalu. Kosealelu kea DILAVAu koto evisito abo uvu vai avoele vaeava savalu. Isito ata volea ave kotove evisi ale keale DILAVAu louge abole avoluvita ui. 7 Memila Diosuau Iselala ata lohomegei abo Otogou vatae DILAVAu louale keveo avoluvita uteto DILAVAu ave vali vole kole avoluvita Otogoe uveve koto Deividilu loue solilu. 8 Katealeluga Deividiu Bukau kotole kisaiai avoe la ave vali kole DILAVAu koto eviluaga momai koto ke homasiava kaleva evisi amigalu. 9 Katealelu lai dibage DILAVAu ataeale avoluvita Otogoe ui. 10 Ialelu oleale DILAVA luvita uluaga DILAVAu a haukala vesuiavai u ulale kelate oleale abo haukala vesuiavale keale avoluvita ui. 11 Iale kelu lai melitavai meliai DILAVA luvita ui da olae soliale abo memila kotove evie solisi lovai tie soliale kelate la aevelivelu. 12 DILAVAu koto keu meliveu gaia voleu enoveu vaki abutitale uale kelate enoveu keveata ui koveata ulu. Iale keule atau huhui atau munana isi atau uvuetai aveve abe bahata daiai haivege oleve keu duave isege oleve keu toelalu. 13 Katealelu balebeu ba DILAVA nile hogoluvilivelu o hogolahalively bele isito DILAVAu valevile bahata ale kele hauke neniale daiai eudale ui. Ige lailo koeale DILAVAu vudile lavisi lailoi aveve keneni avolu loui haivui. 14 Lailoea evievi ata oliale kelu lailoi evievile laviu dua ai kosealelu DILAVAu vo IESU KELISO keu lailoi Dubuu kosi o loia kitae olisi tialeu eue uva. 15 Lailoi kosi kitae keu lai goada soliale ke ivalu o dibalu. IESU keu memila vatae loige seteneu aveve bahata lailo seleavevale kelate seleavage keu kele dobai avevebe toela a solilu isito doadoai ulu. 16 Ialelu lai vabu kalevaito melitavai DILAVA vileo loi vudivele leleisi imiliavage au lai loi ola vadeulu louale ke lailo vavei.