1 Di kakoluvuia DILAVAu la toiaveale kele la atave leleve olievelu. Iale da olai DILAVAu IESU hanavale ke lai huhuai IESU keu lailoi Dubu kou kitae olialelu lailole lailoi uvu vai avoele vaeavai. 2 Mouseseu au haule meliai DILAVAu ata bahata dulugeale kelate DILAVAu IESU letatavage au lovi kele melialu. 3 Malaha vadeu ou dua kouge ataeale ove ke ivai malaha ke ealehei. Kelate Mousese keu DILAVAu ata nalievevale ata isege IESU keu ata bahata kea biage olisi Mousese aveve ke leiviage iviveu kitaealu. 4 O keu ba ukalivelu bele isito o ke kouale keu biagete kelate vale vile moeagaea vatale uale kea biagela DILAVA kosealelu avola valevileu vatale uale ke agelu. 5 Mousese keu DILAVAu ole kosiolie solilu isiot keu au haule meliai DILAVAu haukala ata olisi atave naligeei DILAVAu vaoe alivelu ale koto ke loui ata haivelu o lavigeva. 6 Isito IESU KELISO keu DILAVAu vo olialelu louive au haukalatele govaai DILAVAu ole atave bahata nalieve dua ava. Iale lailole sisilavele IESU loiveve ke huhuai uluaga atave olisi. 7 Katealeluga DILAVAu munana tuvu bukau kotole loui avoe labea momai DILAVAu nona eviluga homasiavalive. 8 Memila kumoe lai vavivuia ui DILAVA homasiavai olae savalu olave aevelivelu isito abo olate ula avaga DILAVAu abolai tuvue solige. 9 Abo kateisege DILAVAu abolai loui avoe lahai o vagala votiu uvule da aveve vole age abo ivaito kele lulele solievelu isito olai di siau kaoai. 10 Katealeluga da kelai tuvualu isi loui kosealu kea da avale ke ivaito olae savalu abo uvu vai daele vaeavai da lovalivelu homasiavelu. 11 Da kateai abolai tuvuai loui kosealu kea ba loi daluvita ulivelu bele di vatavae. 12 Di kakoluvuia abo memila aveve toela ai abo uvu vai ukolikoli DILAVA ke vileo vaeava solisito kalevale kelate labea momai aevelive. 13 Isi DILAVAu ave vali kole ata agigelivelu louale kele labea momai volelai kotobe toela louilive isi vole agigei toelatigelive. Isito vole bemotogei volelai kotou dua loui voleali uu dua ave vali bahata. Vole melitigei ulivelu aveve toela vadeu lalai loige la ba DILAVA homasiavalivelu bele. 14 Memila DILAVAu kotou lailolai loige lai ke evisi lovalu. Iale lailole kele meliai tiluaga IESU KELISO luvita igali toai uevei au loivale kela. 15 Bukau kotou kele loui avoe la ave vali kole DILAVAu koto eviluaga homasi kalevave. Lai vavivuia memila kumoe koto evisi homasiale kelate aevelive isito evisi lovave. 16 Iale la huhuige oleveo ata keala DILAVAu koto evisi to homasiavaevelu ata bahata Mousese luvita Agubito oo Idiobiti vata kalevai kumoe tiale keala aveve kateale aevelu. 17 Ige la huhuige ata oleve kelaigau DILAVAu vagala voti ke uvule abolai tuvualu ata le kea kumoe oo tomagie taevei aveve toela ai vovoale kelaigau DILAVA tuvualu. 18 Isi la huhuige oleveo ata kelaiga DILAVAu koto isute loui avoe 'Laba daeo loi daluvita ulivelu bele". Atalea kotove homasiavai olae soliale kotove evisi lovai taevelivelu kelaigau au koto ke loulu. 19 Katealeluga lai ivage kea DILAVAu koto homasiavai kotove evie soliale kelega DILAVAu abolai louale vatava keveo loi. Daie savalu, kelu lai lu oo mauli telu noinoi o dalu moeaga aevigeve ilivelu Otogola lai daiage sisila kitae lalai.