1 Ataea lovi agisi sele dilava vavui hoeaseavale lovi iveve kele dale aike koto vole loui. Daa dibage lai bahata lulelealu isito lai lole lai loi lulele kele amiga letatavage keu toelalu. Isito lailole lulele kele volelai olai vole hoeaseavege keule duai. 2 Ata vadeu huhuai loui koseige da hau ko nenile lulelealu keu kateai louge lai dibage keu lulele solilu. 3 Isito ata oleu au uvu vai DILAVA vavui avolu olage DILAVAule au lulele vavui. 4 Daa sele dilava lovive ivale kele koto louge evive ataea lovi agisi sele dilava hoeaseavele keu baiveu ue solilu. Sogove ulala abo ke kakovaeviva isito lai dibage DILAVA igaliu eue Otogoe ulu. 5 Ata volea loui avoe Otogoe dilava moeagaea ulu isege vatae moeagaea ulu. 6 Isito lailoea dibage DILAVA moeagaea ue solilu lai loi mama DILAVA ke igali ulu kela vale vile koneni aevelu. Ke igalila lailoi uveve dua ke lailo vavelu isi lai luleleige IESU KELISO keu lailoi kosi kitae igali kela DILAVAu louge vale vile koneni ai otovelu uveve dua lailo vavelu. 7 Isito evievi ata bahata kea kele lulele solilu ke volea memila sele kaivakuku ke hoeaseavaeviva kelega abo huhuai loui avoe loo ba lovive ke ilivelu bele. 8 Isito lai lovi ivale isoho iesolivale keu ba DILAVAu nile lailo agisi hoeaseavalivelu bele DILAVAu nile lailo agisi hoeaseavalivelu bele lovi iveve keu DILAVAu nile kitae olie solilu. 9 Keu katealu isito kele lamiga neniaveve lale koto ke evisi loui kosealu lo sele dilava ke lovi ige keu duave lale kateai louge evievile melie soliale keale ke isi huhuai koseai lo aveve toela alu. Da louale kele isoho lavolea evieviu melie solige evievi ata voleu kaiva kuku lovi ke huhuai to ke ige evievile melie soliale keule ke ivai vaoe kateale vole abo age aule ke isi. 11 La lovi ke iale kele KELISOu lai kakolou evieviu melie soliale kelu voeleale keu lai aveve kele amiga vai toelatisi. 12 Laea aveve toela kateale ai ata ke agigei toelatigevale kelu uvuiabe keu toelalu lai aveve kateale avale kelega laa Keliso taga la ke vai toelativa. 13 Dale lovi vadeu ige di kakolou ke isi kele dobage keu toelalu katealelu da ba sele dilava lovi ale ke ilivelu bele. Daa ola soliale di kakolou da vadeu ale ke ivai kele dobalivelu.