1 La memila dalu kisai vole hanavale kele dale koto loui la lavigei da huhuige ata voleu keate meialeme solige duave. 2 Isito ata moeagaea aveve toela ai voleali navage da kelega ola solilu ialelu laa konenia keatea malaha lohomegeve isege malahaea laea keate lohomegeve. 3 La oleu keate meialemesege malaha meialemeale keali igali toai igalile navageve momai vole kalevei igaligaliai navai okale ai ivuti igalile navai uve. 4 Kosealelu keate ke vavala vevelave ke vava isege malahave vava keu teateve ke vavala. Iale keate keule au vava kele au velau ola ke ai isege velave keule au vava kele au keate ola ke ai. 5 Malahaea keateali volelai homasi kalevai to vali bahata voleali navale keu duave. Isito vali vole nile vole lavigei koseave lati voleali navale ke kalevai tai guliguliai kateige keu duave. Isito momai vole kalevei igaligaliai navai okalevave lale ke asege seteneu loi huhui toela lalai hanavage lale kele ketoi otolovave. 6 Da nona louale keu talavatu nona olie solilu isito di olau kotola keu. 7 Katealelu ata bahata daa late ivue solige keu duave isito da huhuige DILAVAule au siau lameale kele lai keateali uve.. 9 Isito lale goada solisi ivualivelu huhuai velalivelu huhuage keta duave kobekavai lai ola ke ai lai ivuvu lohomegei lai velavu ke lohomegei aboili uve. Isito la ke asolige lale vali bahata keate vavolou aveve ke huhui moeagage keu toelalu. 10 Isito ivuvuai velavuivale kelai dale talavatu koto vole laoui lavigei. Kou dii koto olie solilu isito kosiveu nonala loui avoe keateu ba au vela kalevalivelu bele. 11 Isito aule au vela kalevaluaga au ba malaha vole meialelivelu bele isito aule uloho valivoleo kuialai au vela vileo tige keta duave keate nonateu katealu. Ige velaveu ba au ivu kalevalivelu bele aule vai avoti ui. 12 Dale koto vole loui ata vole haivei kosiveu koto ko loue solilu isito di olau nonala. Daa loulivelu isoho malaha voleu evievi ata isege keateveu mulimuli olie soliale ata malahaveu ba ke kalevalivelu bele. 13 O isoho keate voleu evievi keate isege velave keu mulimuli ata. Keate keu ba kalevalivelu bele au vela ke. 14 Kosealelu keate keu au evievile au velati uu dua age DILAVAule velave uvu lekoveage aule kuialai evievi ata olisi. Kelate malaha voleu au evievile au ivuti uveve dua age DILAVAule ivuve uvu lekoveage aule loi evievi ata olisi. Kea kateige eseabe keale loi evievi ata olisi isito kea kate solige eseabe kea ba loi evievi ata olilivelu bele. 15 Ige evie solivale ata voleu olai loige keluavevale au loige keta duave. Momai keluaevevale kosealelu DILAVAu olale atave kea voleali uveve dua agei. 16 Evievi keatea huhuave lale oleveo kateai lai velavu hoeaseavege keale evievi ata olisi ukolikoli mauli agisi. Evievi malahaea lata huhua solilu lale oleveo aveve dua kele lai ivuvu hoeaseavege abole evievi ata olisi ukolikoli agisi. 17 La hau vadeu asege DILAVAu la toiavei au vuvune igaligaliai lameale kele ui tigeve. Katealela da oai dub igaligaliai tivale ke lavigeva. 18 Memila DILAVAu la toiave solisege la volea Diuia avale late ai. Lai vudiu vate boilu iisto DILAVAu aike la toiavege la lovai tiale kele momai la memila ale ke huhu kalevave. Isoho laa volea lai vudiu vate boie solige DILAVAu la toiavege la lovale kele momai Diuia avale late ai lai tutu vate boievevale. 19 Kosealelu tutu vate boivale tutu vate boivale solivale keu DILAVAu ivile hau kitae olie solilu isito DILAVAu basuale ke lovai tiale keu hau kitae. 20 Laa hau vadeu asege DILAVAu la toiaveale kele uve. 21 Laa u kavai lai lovi asege DILAVAu la toiaveale keta huhu kalevave isito la avale lovi ke avaga valivoleo abo laa hanavege la loviavale ke kalevai uu ulai oigeve. 22 Daa louale keu kosealu DILAVAu ataea vivata vatau kosivelai hauavale ke toiavege abo lovai tivale kelu kea kosivea ata olie solilu isito DILAVAu ata olilu ige abo olale loviavale kea DILAVAu toiavege loi KELISOu hauve avale ata olievelu. 23 DILAVAu davana kitae ai la agigelu katealelu la bea momai vatau ataea olaeabe ai aveveabe toela late ke aevegelive. 24 Dii kakoluvuia laa hau vadeu asege DILAVAu laa toiaveale kele uve ige DILAVAule laili ui lai hau ke hoeaseavai. 25 Dale koto vole loui velavuiai ivuvu solivale ata ke haivei kosiveu basuale nona ke loui da lavia solilu isito keu au uvu damui au lulele damulu. Kelu dale koto vole loui la haivei. 26 Da huhuige vatgeu tuvu kitaeu aike Ekalesiale loale kelu labea keate lohomegelive. 27 Lale aike ivuvualu keta duave labea momai lai ivuvu ke kalevelive bela la ivuvue solilu keta duave momai labea ivulu ale kebe huhualive. 28 Isito lai ivuvuale keta duave keu toela solilu ige mahohoea la velavuale keta duave keu aveve toela olie solilu isito lale velaluaga o ivuluaga lale vatau hau moeaga huhuaito DILAVAlu olale keu eseieve baua kateale kelu da homasialu. 29 Di kakoluvuia da dibage valiniu loi vuguvugualu katealelu da olale ivuvuivale kea isi ivuvu solivale kelate au DILAVAu haule meliai hauagei. 30 Labea momai valiu dua vali toela DILAVA momaeavai hauve kalevalive isi labea lai hau vadeu ageve homasi kalevaive. 31 Labea momai vatau hau moeaga huhuai lai uvu bahata vai kele vaeavagei kosealel vatau hau ko neniale aike vesui ue savai. 32 Katealelu da ola soliale vatau vale vile ko huhu moeaga kalevave ivuvu site kea o gobelia olai kosiveu haule melitavai uvu igalile hauve ai avolu sisilai ui. 33 Isito ivuvuivale kea vatau valevile huhuai olale abo ivuvuia sisila ai. 34 Ige kelega keate lohomegeale kea huhui abuti aevelu kea kosive lovi huhuai vatau valevileta huhualu isege velavue solivale kea kate soliva. Isito abo vava abo uvu bahata vai kosiveu lovile vaeavai ke ula huhuai ueviva isege velavuavale kea vatau valevile ke huhuai olavale abo velavuia sisila aevigei. 35 La keate agigealea da olai koto ko loui la dulugei da olae solilu basu nona isuale lai ai loui vaeavalivelu isito da olale la lai aveve dua ula ai lai uvu bahata vai kosive haukalale vaeavai kele meliai uve. 36 Voo voleu isoho vaa voleti volelai olaito vole lohomege solilu kosealelu abo olai kosiveu haukala ai isegeto voo keu vaa ke ivage nivele nenie soliva isi kateige keu olale vaa ke meialemei ige keta duave kateige kele aveveu toelau vesui. 37 Isito voo keu au olale loui kosege dale vaa ke kalei kosiveu hau ai kateige keta duave aule vaa ke kalevai. 38 Da louale keu kosealu voo keu vaa ke meialemege keu duave isi au vaa ke meialeme solige keu duave bauala keu. 39 Velavuavale keate keu ba au vela kalevalivelu bele isito velavuiabeu vovige keale velavu dogave meialemeale keta nenive. Kuva kateale dabai bavulivelu bele isito da olale kea evievi ata ula lohomegei. 40 Da huhuige gobuvu kea abouvu uge keta duave abole kele sisilai keu di huhuila keu isito da huhuige kosiveu au munanau tuvule koto ke loi daa haivualela da ke loui la haivelu.