Sabta 14

1 Katealelu volelai olai vole dulugeve kele meliave isi DILAVAu vuvune aveve keta huhuaive ketale meliave isito da ola kitae laea DILAVAu kotou dua loui ata haiveve kele melitavave. 2 Ata voleu koto nivoletele loui guliguliale keu atalai loue solisito DILAVAlu gau ke louva kosealelu ataea kotove ke dibasavalu. Isito munanau tuvu vuvunelegau au DILAVAu aveve mahogovale ke louva. 3 Ata oleu DILAVAu koto loui ata haivevale keule kele ekalesia dulugei hoeaseavege abole kele udua ai. 4 Ata oleu koto nivoletele louvale keu koto kele amiga ula duluiva isege ata oleu DILAVA koto loui ata haivevale keu ekalesia bahata dulugei hoeaseavege abole kele udua agei. 5 La bahataea koto nivoletele nonage keu duave isito da olale la bahata DILAVA nona ko loui ata haivege keu duave. Kosealelu ata voleu DILAVAu koto loui ata haivevale keu kitae keu ata volea koto nivoletele koto loui lekoveai Ekalesia haivege keu duave. Ekalesia bahata keale kel luleleai. 6 Di kakoluvuia dale laeo loluaga koto nivoletele loui la haivege lale oleveo kateai koto kele lulele ai. Keu nenie solilu. Isito dale laeo loluaga lai kotole DILAVAu koto loui la haivege lale kele luleleave. Luleleu nonata louive. 7 Kelate isoho ata voleu gita o bologani uvu dua age ataeale eneve ke ula evisi huhuige ane kelau ke louva isito au neniai ke kava solige ataeale oleveo kateai eneve ke dibai. 8 Isoho kibi uvuvale keule ke uvui neniai eneve ke asolige tuvaliavale ata keale oleveo kateai vole bevuai tai tuvaliai. 9 Iale kelate lale koto nivoletele nona loui ata haivege abole oleveo kateai lai nona evisi kele luleleai lale kateige lai koto keu baiu ulivelu bele. 10 Vata kole koto tolove moeagaea ulu ige koto nivolete kea ulu iale biagea abo kototele evisi lulelealu. 11 Isito da ata volea koto evie soliale kele au dalu louge dale kela malomaloai isi data di kototele louge aule avota malomaloai. 12 Laa lamiga ula huhuai olale munanatuvu vuvune ke ulale meliai ui. Keta duave isito da olale la kele meliai ekalesia bahata dulugei hoeaseavege abo evievile meliai. 13 Katealelu ata oleu koto tolovele nona louvale keu DILAVA imiliavage aule vuvune vavuge keule koto ke lekoveai baive loui. 14 Dale koto novoletele DILAVAlu gliguliai di uvule avoele ui. Isito di huhuiu avoele ue solige dale ba lulelealivelu bele. 16 Lale lai uvu ulata guliguliai DILAVA hoeaseavage DILAVAu avevele lulele soliale keule oleveo kateai lai gliguli evisi luleleai. Loui koseai koto keu leleve koto keu nenie solilu kosealelu la koto nivoletele guligulialu ige ata keu malomaloalu. 17 Isoho lale kateai koto volele guliguliai DILAVA hoeaseava dua ai isito ata voleule oleveo kateai lai guliguli evisi luleleai. 18 DILAVAu vuvune damuale kele dale koto nivolete moeagale koto loui laa bahata leivigelu. 19 Isito dubue tai guliguliale kele dale tai kotoeabele koto vuguvele nonai kalevage abo kele koto evisi luleleagei keu duave. Isito dale koto nivoletele nona moeagale nonage abole kele malomaloage keu toelalu. 20 Dii kakoluvuia labea momai eseu esea huhuite kelate aevegelive. Isi eseuesea aveve toelalu meliavale kelate aevegelive. Isito kosia huhuite kelate ave isi avoele meliai uve. 21 Bukau kotou loui avoe kosiveu loui kosealelu dale koto nivoletele nonavale ke hanavege abole taevelivelu di koto loui di ata haivei igeto abo ba ke evilivelu bele. 22 Bukau louale keu baiu kosealu ekalesiaea koto nivoletele guliguliai olale evie solivale keale ke evisi loui koseai DILAVAu vuvunelega abo ko ava. Isito abo DILAVAu koto loui isiviale evievi ataea ke evisi kele meliai ui. 23 Katealelu Ekalesia bahata keale vole bevugei igali toai koto nivoletele loui guliguliasege lulele solivale isi evievi ata olie solivale keale lolivelu Dubu uvue ui ke ivelogo loui koseai ata kea tilogoivale ataeala kea. 24 Isito Ekalesia DILAVAukoto loui vole haivesege lulele solivale isi evie solivale ata kea ke evisi loui koseai la koto kateale louge lo ke evisi huhuige loea aveve toela avale ata lolaea. 25 Ige koto kele ata kea huhuige abo evisi abo uvule mahogo vale keala ke daiava ige keale aveve toela ke kalevai abo kome bokoai vata bisi DILAVA hoeaseavai loui koseai DILAVAu laili ulu. 26 Di kakoluvuia da koto louale keu kosealu la igalitoai guligulia sege ata voleu ane loui ata haivei. Ige ata voleu Bukau koto loui ata haivei ige ata voleu DILAVA vileo koto vale ke loui ige ata voleule koto nivoletele koto eviale ke lekoveai baive loui ata haivei isito aveve bahatale Ekalesia dulugei hoeaseaveve. 27 Isoho ata volea olai koto nivoletele loulivelu age ata abutita igalita vage abo koto lekoveai ata haivei. Isito kea volea nenita koto takovealivelu bele isito voleu kobelai ke loug voleu ke lekoveai ata haivei ige voleule kobelai koto loui. 28 Isito koto lekoveai baive louvale ata keu uesolige koto nivoletele louvale keu ba koto loulivelu bele. Isito keale sekiai ui abo uvula DILAVA laviai uevigei. 29 Ige DILAVAu koto loui ata haivevale ata abutita igalita keale DILAVAu koto loui Ekalesia haivei keale kateige Ekalesiale koto ke evisi abobigalai huhuai. 30 Ige isoho DILAVAu kotou Ekalesia voleu uvule dobage keu ke evisi usege koto louale keu dobai usege ata keule kobelai au DILAVAu koto eviale ke loui ata haivei. 31 La ata igaligaliai DILAVAu koto loui vole haivege Ekalesiale bahata kele luleleai abo evievile meliai ui. 32 DILAVAu koto louvale ata kea ba volea nenita koto loulivelu bele. Isito kealea volea vavale ui koto ke loui vole haivei to ba igaligaliai aloloai loui Ekalesia haivei. 33 Kosealel DILAVAu ola soliale la volea nenita aloloai koto louge Ekalesia ataea evisi malomaloalivelu. Isito kea olale la volea vavale usege voelu aloloai koto louge Ekalesia ke evisi huhuai. 34 Dubue guliguli kele keate ba sevesi vai aloloai ata haivelivelu bele. Diuia basuale keu kateale loulu loui avoe keatea ba aloloai koto loui malaha haivelivelu bele. 35 Keate kea sevesile koto vole eviesoliale ke momai loulive dubule isito oe talivelu abo velavu belagei kosealelu keate sevesile koto loui ata haivege keu toelalu. 36 La huhuai loui kosealu DILAVAu kotou loele umukalu. Isi huhuai kosealu DILAVAu koto keu lo ulalaigau lolu la kateila ai keatea sevesivalivelu da koto louale kele homasiavelu. 37 Isoho laele ata voleu huhuai kosealu dau DILAVAu koto louvale ata dalau. Dau munanau tuvu aveveve vuvune kele melialu keu kateige da olai koto vole ko louge au evisi huhuai da lalai kisai vole ai hanavalu koto keu di nona olie solilu isito DILAVAu nonala. 38 Katealelu ata keu di koto evie solige momai kotove ke evilive. 39 Di kakoluvuia da koto vole louge evive lai uvu bahatale meliai DILAVAu koto lougeve. Isi koto nivoletele nonavale kea kuv kuva bavuevevale. 40 Vali bahata lai guligulile aveve dua ula ai volelai uvuai vole hoeaseavei sisila ulale ui tigeve.