1 Di kakoluvuia DILAVAu munana tuvu vuvuneu aveve lailoameale kele da koto vole loui la haivege evisi lulele ave. 2 Laa huhuige laa memila evievi ata olie solilu is laa seleivale silava keu koto solivale ke hoeaseavai meliai loegei tiva. 3 Katealelu da la lavigelu atabeu ba DILAVAu munanau tuvu vuvunevele IESUlu kotou toela loulivelu bele isito munana tuvu avoele uale keule loui koseai IESU keu dii KOSIVE. 4 Vuvune aveve keu ni voleteau ulu isito DILAVAu munana tuvu ke igaliu vuvune avale ke lailo vaveva. 5 Kosiveu hau aveve kele kuva moeagaea ulu isito lai loea hauve ke aevei keu lailoi kosive igalila keu lai hoeaseavai. 6 Kosiveu lovi avale ata kele kuva moeagaea ulu. Isito DILAVA ke igaliu au vuvune ke lailoamege la hauve aeviva. 7 Ige DILAVAu munana tuvula igaligaliai vuvune ke lai loamelu isi olale lai kele vole melitigei. 8 Munanau tuvu lailo vole vuvune vavege abo kele lulele koto vole loui lailo haiveva. Munana tuvu ke ke igaliu lailo vole vuvunetige abo kele DILAVAu koto kaoai loui lailo haiveva. 9 Munana tuvu ke igaliu lailo vole vuvunetievege abo haluluvia vale ke hoeaseaveva. 10 Munanau tuvu ke igalila ata vole agisi vuvunetige abo ivai teteivale ke ava. Ige volea DILAVAu nona loui ata haiveva ige volea munanau tuvu ke vuvunele luleleige aveve olevekeu leleve isege oleve keu selela keu. Munana tuvu keu lailo haivege ata voleale ata tolovea kotote kele abole nonaeabe kele nonaigei ige lailo volea koto evisi ke loui lekoveai ea kototele lavigei munana tuvu vuvunele. 11 Iale munanau tuvu ke igalila au olale au vuvunele lailo haivege lai ke ava. 12 Lailo vavale genau uge adau uge kienu ulu isi kea bahata vava igalile dalu. Kelate evievi ata kea lailoea moeaga isito lailoea KELISOle igali. 13 Isoho lailo volea Diuia ata olisege volea Diuia ata olie solilu isege vole lovi kavale ataea isege lailo volea lailoi olale loviavale ataea. Isito lai bahata munana tuvu igalile Babatisoale kele vava igali olilu ige munanau tuvu ke igaliu lailoi uvule ulu. 14 Lailo vava kole ada ulau uesolilu isito genau uge kineu ulu ige lailoi vavale valevile moeagaea ulu. 15 Isoho genaule loui koseai dau ada olie solisito dau geina ula keluga da homasialu vavau ola huhui alivelu. Genau koto kateale louale kele au ba au lovo kalevalivelu bele vato au lovole ulau ke alu. 16 O isoho golemaule loui koseai dau niu bai olie solilu dau golema ula keluga da vavau ola a solilu. Golemau koto kateai louale kelega au ba vavau ola au ba alivelu bele homasiai au uale lovo kele uva. 17 Isoho lai vava bahata kea nii ula olige lale oleve kateai koto evisi, isoho lai vava kenenia bahata golema olige lailole oleve kateai hau hagoteta soteta evisi, keu nenie solilu. 18 Isito DILAVAu ada, geina, kine, vavau hau moeaga lailoi vavale ai otovelu au olale. Ige duai ulu. 19 Isoho DILAVAu lailoi vava kole golema ula ai otovege la huhuige lailoi vava koule oleveo kateai. 20 DILAVAu kate solisito lailoi tavale ada geina kine golema niu bai uni ke ai otovege kea bahata volea isivi ke aeviva. 21 Katealelu niu ba ada hanavalivelu bele. Isege kineu ba geina hanavalivelu bele. 22 Kosealelu vavau valevile volea lailoi nile kitae olie solilu. Isito vavau valevile kea uesolige lailole vadeuai. 23 Katealelu lailoi vavavolea kitaeivale kea lailole hoeaseave dua ai ogonata ataea nilu bavugei. 24 Lailoi vava volea kitaeavale ke lai hoeaseavalivelu bele keale abouvu abo uvevete dua ai. Isito lailoi vava volea kitae soliale ke DILAVAu hoeaseavei otovege keale kele uu dua ai. 25 Katealelu lailoi vavau valevile kea ba vole aligelivelu bele isito keale voleali igali toai vole hoeaseavei. 26 Isoho lai vava vole igaliu tuvuige lai vava ke neniale tuvuai isito lai vavau duage lai vava ke neniale duai sisilale ui. Au tuvualivelu bele. 27 Daa vavau koto louale keu kosealu. Lai vava kenenia IESU KELISOu vavala keu, keluga lai vava ketaga la IESU KELISOu hauvele la ke nenia hauiva. 28 DILAVAu au loviu haulu ata igaligaliai ekalesia vavelu keu luta Abositolo otovelu kea valale Beloveta otovelu kea valale Tisa otovelu. Kea iatele vikou aveve avale otovelu kea iatele haluluvite hoeaseavale otovelu kea iale Ekalesi bahata maligevale ata otovelu kea iale nona takoveai ata haivevale otovelu, ke iatele ata isagevale otovelu. 29 DILAVAu au loviu hau igaligaliai ekalesia vavege kea bahata Abositolo olie savalu isi kea bahata Beloveta olie savalu isi kea bahata koto loui ata haivevale ata olie savalu. Kea bahata ivai teteivale ata olie solilu. 30 Kea bahata haluluvite hoeaseavale ata olie savalu kea bahata koto volele koto loui takoveai ata haiveale ata olie solilu kea ata volea kototele nonai kotoeabe evisi loui ata haivevale ata olie solilu. 31 Katealelu DILAVAu au vuvunele aveve dua lameale ke huhuai kele meliave isito da aike kuva vole dua loui laa haivege ke huhuave.