1 Di kakoluvuia da olale lai loi vavivuia memila Mousese lovavale kea aveveabe ke huhuave. Vali kela DILAVAu goeta amiga bavui aboili ulu isege ea ee davala taote ke koui vaki voleo tievelu. 2 Goe keu ata ke bavusege kea Mousese luvita ee kele Babatisoale kelate ai ee ke koui vaki voleo tievelu. 3 Ige DILAVAu Otogoe Aneluia lovi Mana ke vavege abo ke ievelu. 4 Isi louge Mousese vule kavage eu duau kele loige ea bahata ievelu. Vule kela IESU KELISO. Keu vali bahata aboili tivalelu loui ea lovi isi ee isi tiva. 5 Kea kateaito neniai koto louvale ke evie soliva ige DILAVAu aboilai sisila solilu ige ata moeagaea kumoe vovoatilu. 6 Ata kea memila aveve toela kateale ale keu lailo haivege lai aveveabe toela kateale a kalevai. 7 Memila ata kea kaiva kuku silava hoeaseavei oivale kelate lai a kalevai Bukau kotou loui avoe ata kea ugulelemai lovi isi e isi kobekavai selesele kaiva kku silava kelu kavuava sabuna nikai eta. 8 Ata kea aveve toela ai voleali navivale kelate lai a kalevai kea aveve toela avale kele ata moeagaea vovolu tuenti tili taoseni kea valini igalile vovolu. 9 Ata kea kosiveu tuvuai avale aveveve ke kaoivale kelate lailota a kalevai. Kea kateige DILAVAu abolai ute hanavage ke uagevege at moeagaea vovolu. 10 La bea momai ata kea DILAVAlu tuvuai koto louvale kelate aevelive kea kateige DILAVAu au ANELU hanavage loi ke kavege ke nenia vovolu. 11 Ata kea aveve toela avale ke Mouseseu Bukau uvule kisaiage vesulu avoe lai kea uevelu IESU loiveveu vugualu. 12 Isoho la volea huhuai loue kosealu loi meliu ue solilu lo ba aveve toela kateale alivelu belel isito lamiga neniaveve oloivaga la voleu avoele dobava. 13 Aveve toelaea bahata laele loivale keu ata bahataele loiva. Isito DILAVAu la agisi melitialelu loui ale kele labea ba toelale dobalivelu bele kosealelu aveve toelau laele loisege aule govada lamei lalai kuvau dua alavage lale aveve toela gogoniai leiviai tigeve. 14 D huhui kakoluvuia labea momai seleivale silave hoeaseavaevivale. 15 Laea lulelete atalalaea katealelu da louale ko ivage au laele duage lovave. 16 Lailoea aletou kabusi vai hoeaseavai huhuai kosealu KELISOu lolai voeleai lo hoeaseavelu lai kateai ke ige au la huhuige lai IESU KELISOu taokele igalitoalu isi lai valava igali ke vakoai vole vavei ige. Au lahuhuige lai valava kele KELISO luvita igalitoalu . 17 Leleve ula lai valava igali iale keu lai IESU luvita vava igali. 18 Iselala ata kea avale keu kelate abole mesia agisi vaki vole vaui DILAVA hoeaseavai to vaki vole isi katealelu abo huhuai loui avoe loea DILAVA luvita igali toalu. 19 Da louale keu kosealu ata volea lovi agisi seleivale silava hoeaseavale eu baiveu uesolilu sogove ula. 20 Kosealelu kea lovi vaui agisi DILAVA leleve ke hoeaseava soliva. Isito lovi agisi silava seleivale kele kea munanau toela godio kelabo ke vavui hoeaseavaeaviva katealelu da olasoliale la la munana toela hoeaseavale keali igalitoalivelu. 21 La vali voleo kosive kabusile aleto isi vali voleo ata seleavevale silavata munanau toelata hoeaseavale kea kabusile ee ige keu nenie solilu isi la vali voleo kosiveu batabatale lovi ige keu nenie solilu. 22 La aveve kateale age kosiveule tuvuai la huhuige lai aveve katealelule kosiveu vuvune leiviai be keu nenie solilu. 23 Isito lavolea koseai loulu loeale loi ola ke ai la kateai loulu isito da kele loui kosealu aveve bahata keu duave olie solilu la tota koseai loulu loeale loi olate ke ula ai isito isoho aveve katealeu ba la agigei duatilivelu bele. 25 Mesia agisi maketiavale ata kele mesia voia ige keu duave. Labea momai mesia ke huhuai belalive isi loui kosealive au mesia kou silava lovi la ale keu mesiala kou kelu belagelive isito iula. 26 Kosealu Bukau kotou loui avoe vatau vale vile kenenia DILAVAu haula kea. 27 Isoho ekalesi soliale ata voleu louge la deiai oveo tige au lovi vadeu isi lamege ive belalive lovi vadeula keu isito iula ai uvule Otogo biage laviaive. 28 Isito isoho lavolea loui koseige lovikeu seleivale silava keu lovila keu. Abo kateai louge ke kale ilive kosealelu lale lovike ige kakoluvu voleale ke ivai abota ke isi abobiga agisi toelatigei. 29 La volea huhuige lovi ke ialeu toela solilu isito la volea kele lulele solilu katealelu labea lovi ke ievelive isoho la volea da koto louale kele loui kosealu DILAVAu hau ko neni ale kelu loeale lovi bahata ke isi vadeuluga loea tata volea huhuitele lovi ii kaleviva. 30 Loeale lovi kele DILAVA hoeaseavai ke ige keta duave isito vadeuluga ata volea lolai loui kosealu la lovi ke iale keu toelalu. 31 Isito da lalai louge evive la lovi isi ee isi aveve vadeu la aluaga kele DILAVA ivi letatavai hoeaseavave ige ataea ke ivai abota DILAVA hoeaseavai. 32 Lale aveve dua kateale atalai age abole la ivei Diuia ata isoho evie solivale ata isoho DILAVAu ekalesia ata keale lai aveve ke ivai kele abo evievi kalevalivelu bele. 33 Daa avale kelate ave da di aveve dua kele damiga letatava solilu isito dale ata bahata huhugei aveve dua ai agigei ukolikoliu kuvale otovege abole DILAVAu ukolikoli kuvala tigei.