Keeta Susu Eoto Ta Eoto Nei Tawo.

1 Embo kapehete kee onghai mi aoyo, ate mama ainge uwe pure jajai hondate arita pure ara eyo. eto mei yahaa amo no namei kamei ainge humbuyo, uwe pure jajai hondate arita pure ara eyo. 2 Pamone bee kapehete tunga humbuyo, no aya mane ainge eyo eto mei kakara amo no du emone ainge eyo basiri jai eto hotembari jai bee ta. 3 Pamone Doru Ivu madu sari ari amide jai eyo, eto ainge nombo Pamone orope irae amo tawo eto jai eyo. 4 Pamone Doru Ivu sari, mei undite eto mei ahaije te amo towo made ta midie mei ahaije tai basiri jajai ara hate ikere kai, eh mamo doko eto hondate aro ara. Amida be amo Mama Hotohu uje uwe tunga jai atuya. 5 Ate Pamone Doru Ivu sari arirate, mei undi eto du emone eto jao emone irae, hondate ari humbari ate mana. Ate amida bouka perari amo Mama Hotohu ena dai iketo pari iji eto tumba nandoho eua hondate ari ikau humbasa. 6 Awara te pamone tawo ivu sari ami tamonda uje ara atuya kito, pamone amone jota sari ari ra amone einge, tamoda jai irarako rate, asisita amo madu sari ari ra. 7 Kee einge iko amo pamone doru ipone mei sarikimu ehere kari ara mei undite ingito seserikare. 8 Awara te embo tawo indami, embo tohotate basiri sasamuya atuya kito, embo amo kee bee kee amo kiae eto kee bee arita samuya embo. 9 Sosi jota, pamone amida jawo te ivu sari ari amida jawo te, eto embo amo sari eto midie hariga tega sikisti ara humbuto serikari kito. Pamone amo ivu tawo bee jiaya eto ivu tohota pere tunga be humbu uwa kito. 10 Pamone amo ari basiri jajai be te eto mei undi simba jajai arita, o tohota kiari embo te jajai eto hondate ari pamone. Eto pure jajai uwe irari pamone. 11 Awarate, mei kakara yahaa ivu ipone sasari kimu ari amida jawo amo mana Sosi amo mana Sosi mi humbatuya. Amida be amo iji ambota amo ingo yako ivu nei jimbarita uje eto ipone yahaa jijimbuketo Mama Hotohu kumi ikatora midia. 12 Basiri ainge eora amimi hungota me kiari humbuto puwuua amida be amo Sosi ta awo tari ara kee yindeto toungeora, Mama Hotohu te tawo irotora kee eto tohora. 13 Pehowo, teo irari ta basiri ara eora, siosao embo neneuonda madeta tembuora. Uwe embo nei tuuburue kee sasamuya eore embo tinikambari eora. 14 Araembo na uje amo, mei kakara yahaa ipone sarikimu ari ara yako jijimbuketo, mei engerekaro, seitani mi mana ikau beatora. 15 Na kee ere kakayekitona amida be amo mei kakara yahaa ipone sarikimu eherekari amo madu Mama Hotohu kumi iketo, seitani da dei tambu ambo ambo eora. 16 Pamone doru ivu sari ari huru nodai kito amo humbuto jai eyo. Ainge atoa amo mo mana Sosi mi embo mei ainge amo hondate atuya. 17 Embo eto Pamone mei amo ingota nanda kitijigirikari ungo simba eora amida jawo amo ita ita atora. Tawo ainge embo Mama Hotohu ta jawota kee jie, hate ikeora amida jawo amo tawo eto ita ita atora. 18 Amida be amo Mama Hotohu ta kee mi einge arira, oho hun garasi hatirisa uwurohu amida pee amo taimbaoyo, tawo eto pure embo amo tawo eto pure atuya amida pei amo humbatuya. 19 Embo amimi Sosita pure ari embota kee ta tamo ai kee tota atuya amo mana bee ingisa atora. Ate embo nei eoto o eoto nei tawo amimi kee bee uwuroro ara embo amida kee ara Sosita pure ari embo ta kee tamo ai ikatuya kito amo teora. 20 Awarate embo tawo indami ari basiri samuya au kito amo embo perarita tombuta aro jai atuya, ainge aro embo nei angoho ara kito ari basiri sasamuya mana atora. 21 Mama Hotohu ta kitita eto Iesu Kerisota kitita eto tawo eto hanera hotohu ta tombuta ungote be kee honghai enena embo meida ari basiri ara tega uwe mana embo tawote pere jai mana atowa. 22 Mana sausau embo uta ta hingeri tembeto pari aisa atowa. Embo ari basiri sasamuya ari embo amo mana ambo ambo atora. Ate mo amo Mama Hotohu ta tombuta jaibe iriyo. 23 Mo mana umo pere indotoa ate wain amo isapu isapu indiyo, ao no korere oti jota amo hondate atuya. 24 Embo neneida ari basiri sasamuya arapa ta midie ungo bouka ta ikeora eto sasamuya nei jota onjiketo ambo be ta arapa eora. 25 Basiri tawo ainge ta, basiri nei jajai amo arapa ta midera, ate ari basiri jajai no nei jota onjikari amo ambota arapa atuya.