Kee Ta Susu Eoto Ta Nei Eoto.

1 Awara Asisi Hotohu mi arapa be heriya amo iji ambota amo kee bee ta basiri amo toatora eto kee sokowa ari asisi ta ke ara ingotora eto ate ikari sasamuya amo tavo eto kiotora. 2 Kee sokowa ta jotai,embo meida hotembari amo sisiko basiko atuya. 3 Embo mei amimi amo jimbari amo mana ara kee atora eto indari nei Mama Hotohu nei ari amo mana indora uve atora embo pamone kee bee ari embo mei dai. 4 Dora perari Mama Hotohu mi pusuta uija amo jai perera.Mana inemi samuya kee atoa ate Mama Hotohu atekari hititue ara jigama eiyo. 5 Amida be amo Bada mi be jaibe eto Mama Hotohu ta kee mi hegarira pari jota. 6 Mo ainge angeko ara no ambotani te atoa kito amo mo Iesu Keriso ta pure ari embo jai ainge atoa.Amone mo no kee bee ari tuka payei be eto amida atekari ara ambo ambo kito awara. 7 Ara embo pusuta hii sasamuya amo mana be ingisa atoa.Ate Mama Hotohu ta hateikari kee ami mo eunge hate ikeiyo. 8 Ingana tamonda uje ta ate ikari amo isapu isapu atora.Ate Mama Hotohu ta basiri jai amida jota irotora amimi amo kee bee oroho ta eto iji ambota amo jigotuya. 9 Kee amo koropate eto amo kee be ra eto embo pamone kee amo be ingito kee be arejo. 10 Kee emidai amo pure koropa mi Mama Hotohu ta javo ta eyo, embo pamone yako overeketo embo ara kee bee ari embo ara. 11 Kee mi pere eto mei amo ate ikeiyo. 12 Mana toao embo nei mi ari basiri no yaha ara mana toaro beatuya.Ate kee bee ari embo ta arapa ainge irotuya,no kee mo pure embo nei uje ari eto koropa eto no kee bee ari ai eteto usasata iriyo. 13 Mo kee nau embote jie hate ikitue iriro ambuto nau nau purari iji umbai. 4 Pure ainge arita mine humbari ara toaoyo amo embo amimi mo eonga hikitaya kee poropete mamadu mi hari eto sosi ta kiti jigiri kari embo mi ingeri uta no da hotohu hikerekari. 15 Ainge ari pure ara simba jai uwe amida jota iriyo uwuro embo pamone mi pure no ara be arapa be ta kiyore. 6 Mo mo eunga simba uwe hate ikari jajai ara humbuyo eto iji nandoho be eyo amidabe amo basiri ainge amimi mode embo pamone meide tawo humbatuya