1 Ate kee emi embo pamone amo kee bee atora eto embo tavo amimi sosi ta kitijigari aisa uje atuya amo jai ra. 2 Ara embo kitijigari embo amo ari bouka amimi mana pure atuya eto ai tavo eto hotembari tavo eto embo pamone kiotuya ami embo neneio ate ikatuya. 3 Ate mo vain mana indito kava atoa eto isoro mana atoa eto mani ara mana tunga humbatuya. 4 Eto embo amo tota orope amo eto kogo eto simba jai be atuya.Eto tota mei undi te tavo eto eh mamo da kee tavo ara agi atora. 5 Ainge eto embo ami doranja tota simba aikambai atuya amo Mama Otohu ta sosi amo doko eto simba au? 6 Ate embo ara iji tavo ami jo taihereketo mana ara atuya eto sowai ta bavarita mana beatuya. 7 Eto embo amo basiri jajai kajai mi sasamuya embo mei dai ya atuya eto mana sowai ta iwasi ta timbuto beatuya. 8 Ate embo sosi ta kitijigari amo basiri tavo ainge inonda nombo atora eto tei inonda tambu terito hambatora eto mana kee eoto eoto atoa.Te mo vain mana tuka indatoa eto ine pere indisa mana atoa. 9 Eto embo perari mi tumonda eto kee bee jo perari mi atora eto hotembari jai be ami. 10 Ate embo kitita awarari humbuto eto pure atuya aminda be amo embo amo sasamuya irai kito ainge amo atuya. 11 Eto pamone mei amo basiri jajai dai tambu jaita atora eto mana basiri sasamuya ara atora.Eto dora peai be atora amida ugorota irotora. 12 Ate embo sosi ta kitijigari amo ai tavo eto mei undi simba etokogoeto uve eto mande ta dora perari be amo ami simba atuya. 13 Eto embo ami ungo ongo jai etera ami kee bee koropa arita heteto eto Iesu ambo ambo atora. 14 Eto nanemi ove ere monde ona eto na iji tavo te purotona ara embo. 15 Ate embo na purari toatona amo mandu kaetena awara keuve eto Mama Otohu ta sosi jota irotuya eto amo Mama Otohu ta mande eto basiri nandoho irari.Eto amo kee bee kee bee ari embo mei. 16 Ate Mama Hotohu ta kee amo ihi beta eto ari basiri eto kee bee amo onjikari atemana.Amo mandu tamoda baikarira ainge Asisi Hotohu mi arapa arira,na neida eto enda tutumo tutumo kee bee ore bitito ututa hambutaya Mama Hotohu ta usasa jo beta.