1 Ara embo na kitita mo eto ingari ona ine mi embo pamone tavo tavo ikau tunga jai te tawo,pari uve Mama Hotohu tanja hambare. 2 Eto embo kitijigari sangipangi eto kitijigari peai be ara peka ta irotora eto peai yamoyamo eto Mama Hotohu ta javo jai ai irotora. 3 Ate ari ainge amo jai be eto awara ari eto Mama Hotohu ungote nau horekari embo amida kiti munju ta. 4 Eto tota uje be amo embo peai be ara puto Mama Hotohu ta kee bee ta susu ara kiotora. 5 Awarate Mama Otohu amo tavo eto ugorota iriua amone Iesu Keriso ra. 6 Eto mo eonga ingana embo perari ara embo ombuto uaja eto Mama Otohu do ari kiari ara amida iji be ai. 7 Ate amida kee susu amo na eunga Mama Otohu ta pinga hande atona amida ambotani dai.Ara embo na Keriso ta javo tai kee bee enena. 8 Ara embo na embo perari,nah perari ta ingeri otohu jigoro bitou eto pari mana tinikambari te eto borujujune de atora. 9 Ate ainge nombo na uje pamone amo hiribo etokogoeto asari ombari jai eto asukatora eto pamone amo mo eonga ikaro beatuya.Eto ingo mana akutu hundatora eto hiribo jajai aseto kitite pete mana atora. 10 Te pamone amimi basiri jajai eua amo Mama Otohu ta uje be ara eoi arapa tambu eua. 11 Ate pamone amo simageto kiotuya eto turubeta irotoya. 12 Awarate na mana pamone ano hate ikatora eto mana embo kitijigotora te amo yamo eto irotora. 13 Do embo Mama Otohu ami embo javo Adam ara kiti uvei eto pamone javo Ivi amo ambota uvei. 14 Ate sowai mi Adam bavaira te pamone Ivi ara sokowa etei bawarita bovaya eto awotari ara tongitaya. 15 Ara embo pamone amo mei inge eora ami ke be uve eto tunga humbari ami eto irari jai eto hotembari jai ra.