Keeta Susu Eoto Nei Tawo Eto Eoto Nei Tawo.

1 Embo amimi pure embo ae midie kito amo pure jajai eto kee jajai amo ungota pure ta kiti jigari te kee atora. Mama Hotohu ta basiri te jawo te hotohu uwe eto amida hateikari jai amo mana aro samuya atuya. 2 Pure embo teo indamida kiti jigarita kee be ari Mama Hotohu ta dei irotuya kito amo hotohu atuya, amida be amo namei na. Ungo eonga pure tuka eto atora, amida be amo embo neida kiti jigari embo amo ungo ta kee bee ari ara uje be eua. Ungo eonga hate ikeora uwe kee jajai ara heora. 3 Ate embo tawo o pamone tawo mi hateikari samuya eto Iesu Keriso ta kee ara ambo ambo ae atuya, ainge ue kee jajai ae eto dei tambu jajai Mama Hotohu ta amo tawo eto ae kiae eora. 4 Embo o pamone amo teo hungo bee ara hotembeora ate bee re irae be ra. Kee einge perari amo kee sasamuya ami jota sirarira. Ainge kee ami amo mo au mo ari basiri sasamuya atoa, tinikambari embo tai atoa, ainge ue embo nei mi embo amide sasamuya ari kee hotembatuya. 5 Ainge ue tinikambari kaiketo ue hotembari sasamuya nandoho atora ue kee jajai hari amo oju atora. ainge ue hotembeora amo giu pari eora amimi hondate au pusu doranja neide kainde dei neida eto purou humbatora. 6 Amo jai bera ingana Mama Hotohu ta kee ara be kee bee atora kito, eto tunga jai ari inganau tohota dei eora kito. 7 Ingana ayata jota eto pusuta putara amo teo putara, tawo ainge ingana sari atora amo dora neido mana humbuto ututa hambatora. 8 Araembo, no hindari do midia amo tunga humbuyo ue hiribo no doko midera amo tunga bee humbuyo. 9 Ate embo mani da uje eto pusu doranja uje madu ainge eora embo mei amo bouka ta iji nandoho be beora. Eto basiri sasamuya da iji nandoho beora ue embo, pamone nenei angoho jumbuore basiri sasamuya bee ta beora. 10 Mani uje bee arita uje amo pusuta ari basiri sasamuya arita susu bera. Embo eto pamone indami uje ainge eora amo hingote hotembari jajai ara eore sasamuya ehuwa tunga vevera eto boukata iji nandoho iriora. 11 Ate mo Mama Hotohu ta embo kito amo basiri ainge amo toyo eto basiri jajai humbuto Mama Hotohu ta Asisi ta jota toreo. Ainge uwe kee be arita basiri uwe, embo nei tunga humbarita uje uwe tawo eto hotembari jai ta heteto jo jai te tawo iriyo. 12 Kee be arita isoro ara eyo, uwe Mama Hotohu mi jage inaemi haa jija amo no basirita nandoho irotuya. Ari basiri ainge ami no kee be ari ambo amo embo pamone da kiti ta 13 Mama Hotohu ta kitita na kee onghai mode hikitona, embo amimi etei pusuta dora perari hotohu huwera, Iesu Keriso mi kee be peremi Pontus Pailet jija ainge. 14 Mama Hotohu ta awotari ara ambo ambo be eyo, ate mana toungatoa te uwe iriro Iesu Keriso yako emenegeto purotuya. 15 Iji amida be ai Mama Hotohu mi Iesu purarita kee amo au arapa atuya. Mama Hotohu mi ingote nau embo tuka Bada inganau kiti jigarita susu amo au kiotora. 16 Mama Hotohu mi pere mana sari eua eto amo amimi pere usasa nandoho tai iriuwa. Eto embo amimi mana kiyotuya. Jawo tuka eto usasa amo tota bera, oroho eto nandoho. amo kee be ra. 17 Embo mani embo pusuta amide einge eyo, mo eonga kee be aoyo, uwe pusu dora hotembaoyo, amida be amo doranja amone irae atuya mana be mode iji nandoho irotuya. 18 Embo neide jai ari embo amo kee eyo jai eto irore. Doranja no jajai nei angoho amo embo neide hande tunga jai bee te tawo embo nei doranja irae amide iketo toyo. 19 Basiri einge atoa ami embo nei da hotembari jai arapa ari amo humbuto purotoa, ao iji ambota do purotuya amo be jigotora eto kee be atora. 20 Timoti mo dora jajai do humbea amo simba jai eyo, ate embo nei no kee ari ara mana hondate atuya amida amo hingoyo. Embo kee kiari embo ke atuya amone kee re sokowa pere atuya. 21 Embo nei angoho kee ainge jie ingota kee be ari bee amo serikeora. Awarate, Kerisota tunga humbari amo mode iji nandoho irotuya.