1 Avo eto Bada hotebu hotebu ari embo ae, hina feina jo aemana tunga humbagoa aingeto. 2 Tunga humbari ta fefeta ae jo, Iesu na ingotena tunga humbuhe eto mo eonga ingote nau samuna amita susu ainge mo eonga na umo avo ikihija. 3 Ate viro faima ke avo ingota orofu ta eresae o be ae o donda mosou ta wasiri eto wasiri perari emo ane Mamaha ta embo mei hotofu amita tombu ta ane kiari samuna be ra. 4 Mane ke pusasoa, momoha ne mane aisoa eto ari wasiri tehotaho ganini ara ejea amone amo ne perari wasiri samuna be ra. Aei awara te pekari ikejo. 5 Eto imo ne ene ke be keisoa, mane viro ta wasiri, ari humbari sasamuna o hande ambu embo- ane,embo mei pusu amita wasiri tunga humbagora amina Keriso ta dei dandoho eto Mamaha ta dei ange hora sae ra. 6 Awarate imo mane ke pusari embo ta ke ingesoa eto ane Mamaha ta hini kambari tohota hina fena ta dei humbuto puresoa. 7 Avo embo, mane embo mei amiga vahaita aisoa. 8 Eto mahu be ta ingora mume ta mihaeva, ate oroho emone imo nei Iesu Keriso ta usasa ainge miha. Fefeta uve usasa hinafena ainge aravo ejo. 9 Usasa ta jibea ane embo ta wasiri ta keisoa, embo amina, osa te mihai, ke be na eria eto evasaiva na miha ange keisoa. 10 Eto ange jombure eto avo keisoa donda doina Bada osa mo eagoi . 11 Mume ta pure amiga vahaita mane aisoa amita be avo indari evamei ange ne keisi aera amita be avo ungota ta samuna arafa aie. 12 Mekiari be ra, enana sasamuna dodo kiae jo ta agora aravo humbuto arafa aisora. 13 Ate dondanei ejukari avo usasa na au arafa aisuja, ane be arafa be aisuja. 14 Usasa na donda perari avo humbuto arafa ta ikasuja eria. Erivujo, ungo evo ari embo mei, perari avo toto erivujo avo Iesu ta usasa na imo usasa ikai. 15 Imo dainge eto miha avo be kito kogo ejo-eto mane embo siro ambu na arako avo tojo ate embo siro ukono be 16 ainge ejo. 17 Iji iketo keve avo iji simba ejo ue iji ere fuha avo be kijo amita be avo iji erevi ane ahihi samuna ta iji ra. Amita be re, mane mana mana ue irisora, ate mihe Bada ta uje mo doire avo siro pure ue irijo. 18 Eto ingo mane umo ngaiha avo mane indesoa, amina imo ne tihijigito ari humbari samuna ta pamba suja. Avo embo kito na be ingo ahihi hotopu avo tovfujo ingota jo ta iroi. 19 Ke mina ara ke na havenina tunga fatihe avo Bada nu jo aemana jakeka ejo. 20 Mahainge nu jo perari na pure dodo ehea avo Bada Iesu Kerisoa ta javo,eto mamo ta deita. 21 Hungo ho na hera oe humotari Keriso ta dei ike vujo. 22 Airi mei,ivu eponi ta dei hera evujo,vahai ainge dombo Bada. 23 Ate ivu ane ae ta foforura vahai ange domdo Keriso ane orohotofu mande amita foforura, eto Keriso momo eunga ne ohrekari embo. 24 Ate orohotofu avo Keriso ta dei hera akuja,vahai ainge domdo airimei avo ivu eponi hera aisora pure perari ta jo ta. 25 Ivu eponi ungota airimei avo tunga humbuvu jo,vahai ainge domdo Keriso avo orohotofu tunga humbu to eto tohota wasiri avo hike na. 26 Keriso na mo eunga na tohota wasiri avo oro hotofu ta ikihija eto nau hotofu, humba u togopa ambu nu au jai na egihe eto tohota ke amika tapa. 27 Avoembo inena momo eunga hande evemei, nei doi na samuna eto ije kae ate donda erevi, awo hotofu eto ujeje irae. 28 Avo embo ivu epone airi mei tihijihe eto tunga humbuhe tohota ungota airi mei ta hamo avo ungo ta akuja. 29 Embo amina mane tohota hamo avo ujae aguja, ate etokogo eto simba, vahai ainge dombo Keriso na ekeheto etokogo eto oro hotofu simba oija. 30 Ate ungo te nane vahai ta tohota hamota ra. 31 1 Eto emita hamota mei amina tohota Mamote ete avo toto pambuto tohota aeka irosuja, eto ungo herijo ainge ane hamo visi vahai aisuja. 32 Eto ke be te evamai te ongikari- avo nana Keriso te orohotofu ta javo ke erena. Ungo 33 vahi vahi avo airimei tunga humbuvu jo eto momo eonga, eto ungo airimei avo ungota ivu epone hotofu evu jo.