1 Hinafena,ungo Bada ta hinafena ungo ta aja mama ta ke hera evujo,amone wasiri evamei na. 2 Nu aja te mama te avo sapoa evujo"(emone ne agetari kihi eto ari ingari ka tapara) 3 Emo ne evamei eto ainge aisoa ami na avo imo iji koso pusu ta irokoa. 4 Mamaha mane avo hinafena avo hinikambari arojo.Ate evamei eto simba ue Bada ta ke na ahepativujo. 5 5 Pure embomei ingota papajikari avo ingota joperari na hera ue sapoa ue kebe arina hondate evujo. 6 Sapoa avo mane nu papajikari ta tombuta ta pere aisova eto amina au nu papajikari osa ara keije aisoa. Ate Bada ta pure embo aingeje nu jo perari na Bada ta pure eroa ainge. 7 Nujoperari na hondate ejo, Bata deita eroa ainge ije evujo ate ate pusu embo ta deita eroa ainge ko avo mane aisova. 8 Aamita be ne wasiri eva kaewa doinge embo wahiwahi na agowa amita ewa mei ane Bada na ika suja imo embo papajikari ta pure embopo te embo nenei te. 9 Embo papajikari, nu pure ari embomei avo evamei eto simba evujo eto embere evamei ta simba evujo. Eto oju ari ke avo nu pure embo ta dei ta mane aisova. Embo papajikarite pure ari embo mei te amita tihi jigirikari ane dandoho da ai miha, eto arai donda kearitqa kearita ane iraera. 10 Toasi ue avo erena, sovera eto Bada ka fete vujo eto Bada ta sovera ta. 11 Bada ta ando pekari donda avo andota ike vujo eto avo embahe pure ta tirari avo serikave. 12 Ungote nau gainha ando visi ta eto orosata, eto pusu ta papajikari te tihi jigirikari dombo kambo te sovera ifo orohota amita asisi samuna ta sovera amiga jujune aisora ta irari deita. 13 Ambokito Bada ta ando peikari donda avo iketo avo feteto kogo ejo. 14 Erivu, ke beari avo ufuta tigari aingeko tigito eto jimbo irae avo pere aingeko jigivujo. 15 Nu utu ta tamaka avo Bada jamojamo ari ta pinga avo hande eroa aingeko avo au kijo. 16 Eto dei perarita ane humota ari avo nu pere aingeko avo jigijo amina avo embahe ta ki jiavo veverate puresuja avo peikasuja. 17 Bada ta evameiari avo nu foforu ta aukari ainge avo humbu jo eto asisi ta kaija ane Bada ta ke awara humbu jo. 18 Nu pari perari amita atekari ane iji perari ahihi hotofu ta jota mihe ejo. Eto umo deidai miha ai fefeto evamei eto dei keve nu pari avo uhu ta tekafoka ta dei ikejo. 19 Eto na avo embo pari evujo, avo na ke do aisona ke avo embo ta jo ta veai. Eto pari wahipa awara ari ikihirovo na arai sovera ari humbuhe Bada ta ke be ijukari avo ano arafa aisuja. 20 Namo ne Bada ta ke amita hamota eto Bada honda pusu erei avo na pudito tibura oro ta ikihera, eto amina au avo na jo koropa eto Bada ta pinga ewamei evi ano arafa aisuja embo ta dei ta. 21 Tychicus, nau tunga humbari namei be eto jo perari na Bada ta pure ari embo amina namo pure mo do arone avo au ingevujo. 22 Embo ane nane na ikehene pabija ingo ta deita amita susu be ne nago mo dainge arire avo ingo kevurovo, avo amina ingota jo koropa ari ke avo aisuja. 23 Namei kamei Bada ta peka ungote tapa, Bada Mamo te mei te amita tunga humbari eto kebeari ta. 24 Embo mei Bada Iesu Keriso avo be jo fororo na tunga humbuhova ane Bada ta jo ari ingote tapa.