1 Na Mamata tipura embo, avo embo ungota dei erena etokogeto avpo jaje gija ai anhi evujo. 2 Ungo hondate ke avo ikano avo wasi evameite, tunga humbuhe avo irisova. 3 Sovera eto vahi ta eto erari amita asisi avo tunga humbuhe avo iketo irivujo. 4 Hamo vahi asisi vahi avo miha, vahaingeto mo humota oe avo jagegi ja. 5 Eto mamo vahi, jo ngaiha vahi, umota veto erari vahi. 6 Eto ingana perari amita Mama vahi,amo ne inga na perarita eto ungote nau amita jotara. 7 Ingana vahi vahi Mamota tunga humbari avo humbuhera ane Iesu Keriso ta hande amita inono beta. 8 Ovesivari era; mo viviheja, ane tipura embomei avo tihigihi ja,eto embo ta dei hande mane ikihija. 9 ''Mo vivija amo do erei,'' ahoko mo pusu hubehu inge vovija amo humbere te? 10 Embo amina vovija amone embo vahipa amina ahako uhu inbeta avo vivihija, amone donda au vihoja keje. 11 Iesu Keriso na nenei ne hondate embomei, nenei amo ambota ejekasuja avo ari embomei, eto nenei amo aro pajirisoa embomei, eto ahofatirari embomei. 12 Pure ari mande ikihija amo ne embo hondate avo pure evamei aisora, ane Mamo ta mei ta hamo iharira. 13 Mo mahange tohota hamo avo ihihiru avo ungo te na perari be vihito avo puto vahita ari, jo ngaiha eto siro kiari Mamata mei ta dei, eto avo sovera isora eto avo Iesu ta bebe avo hambasora. 14 Iesu ungete na ehei vivihera amo ne hinafena davo pambuto futo jai piri na arako orora,amo ne ahofatirari eto ke pusari embomei ta pisara amina humbuto erepambuha eto ahekira sokova. 15 Ate ke be avo tunga humbari jo na e, Iesu amone tihi ora evira, avo ikto ungote na amo ae donda perari avo eresuja. 16 Iesu hamo perari avo iheheja, amone perari vahi ta humbuhe avo perari hondate minamina, eto orope vahi vahi avo vahita aisora, amone hamo ehi avo tunga humbari na ere ehihina. 17 Na ke evi Iesu ta dei inafana isona, amone ungo Gentiles na erara kaisova, eto enana siro be amo erae ra. 18 Enana ta siro arafa amone mumetara, enana ta wasiri amo Mama ta dei iraera, amita be ne enanata komo avo jigito ngaiha agora. 19 Enana amo me iraera eto avo ungo perari avo siro gamo ae ikihera, eto avo mahainge samuna neitekainte avo eto keagora. 20 Ate donda amone Iesu ta dei aingeto ne humbaera. 21 Na erekevona ungo embo avo ingiheva, eto ungo embo amina ahofatihi ja,eto ke be amo Iesu ta dei ra. 22 Mo ahofatirihera ne nu wasiri mau avo ikejo pambai, embo mahu avo tojo.Amita be ne embo mahu amina avo mone oi samuna agoa. 23 Mo avo ahofatihera siro eha asisi ta ahiji oera. 24 Eto avo embo eha isoa eto avore Mamo na oija hariva ainge ahisoa- evakaiva eto hotofu aita. 25 Avo eto kito , ke pusari avo tojo pambuhuru avo ungo vahi vahi oropeneite ke be avo evujo,amone inga nau orope vahira. 26 Hinikambari eto avo mane samuna isova.Toau mane hinikambari mihiru avo iji veasuja. 27 Ahihi samuna ta dei mane embere ikasoa. 28 Embo amina pegene aguja amo mane pegene aisuja.Tohota ingenina pure evamei oe avo pure gahina avo aisuja; avo embo donda mihiru avo embo amina donda irae avo hondate iesuja. 29 Toau mane ke samuna nu pe ai eto ejekaku ja.Ke evamei embo nei honda te oe avo ehou vihesuja avo ejo, be enana ta jo be, eto nu ke amo embo mei nei na ingisora amo embomei avo honda te ekasuja. 30 Eto mane au Mama ta ahihi avo memesi keisuja, amita dei eto inganane mahu peiketo humbuhija. 31 Donda perari evi: ngamoh evamei ae, hinikambari, borupapaga,eto ke jo ngaiha eto sasamuna perari avo ikejo pambai. 32 Embo nei ka evamei ejo, jo jamo jamo ejo, embo nei ta samuna hotembeto tojo,vahainge dombo Mama na Iesu ta jo ai ungote na hotembeto toruhija.