¹ दिकि किसाला चावा ला उम्नि अतुप मि ताम्जि ओरुङ खाङला काताङ्गु हिन, अरेकि ति काताङ्गुपला तिमु गिप्च्यु कि ङा ख्यिराङला गङबा लिङालिङ किरुप | ² अलराङ होरु ज्यापु ताङ ज्यापु क्यानि गुनि च्याम्बा ला थुकिला लोदिमु कि | ³ सेम चिक्राङ सेमला गालुप ज्याकुपला तेर्सिना लेमु क्यानि किरुप छोलुप कि | ⁴ जुबु दक्पुजिकराङ अइ तेमे थु चेङगि तिङ दक्पिजिग्राङ हइ | ⁵ तुक ज्यानि राङ का दक्पिजिक चिबु रेवा ला का ताङगुप हिन | ⁶ चावा दक्पुजिकराङ अइ मोवा दक्पुजिक राङ अइ, तेमे बप्तिस्मा दक्पुजिराङ चावा कन्ज्यक ताङ पापा सु तेरिकि खाला अइ तेरिकि तेमे तेरिग्ला वे | ⁷ ओरुङला ख्रिष्ट कि ङेत्पा ताङ्गुप दगे ङेत्पा विदप अइ | ⁸ क्षोकिताब कि सिबे, ‘’तेमे खो तेरिसिना नाम्ला गाल्सुङ | खोकि उम्नि वतुब तिबाला उम्निज्याक्सुङ, तेमे मि तिबाला ङेत्पा बिन्सुङ | ⁹ खो नाम्ला गाल्सङ सिरुब ताम्गि तेन्दग ला ति खाङ हिन् ? तिकि खो जम्बुलिङकि दिङला तिबालाङ पाङबु सिरुप ताम हाक्कोजिकिवि | ¹⁰ खो ला पाप्सुङ , खोराङ तेरिक दे; वेच्येनसिना नाम्ला ज्याक्सा, | खाङ दुक क्यानि खोकि तरिक्ला ताम्ला खाटेक जो थुप्किवि | ¹¹ ख्रिष्ट कि दिनक ङेत्पा तिबा बिन्सङ ; प्रेरित तिबा , लुङदेनलापुप तिबा, स्येतुप मि तिबा पास्टर तिबा, ताङ लोबेन तिबा | ¹² ख्रिष्ट कि जुबुला जप किरुङ यक ला चेङगि तिबा ला खामु किरुपला खोकि दि क्यासुङ | ¹³ तेमे दुक्यानि ओरुङ तेरिकि मोवाला ताङ चावा कन्ज्यककि पुज्युङ च्यु ला सेम च्यिकराङ किरुप ङेतुप क्यासुङ | तेमे ख्रिष्टकि तेरिकि ङेतुप कि तापुप साग ख्योल्नि खामु मितिबा ग्युर्सुङ | ¹⁴ दुक्यानि दिबाला फारछुर क्युरुप ताङ नाबा नाबे तेम्बा कि लुइ ताङ मितिबि लाकामाताक्पा ताङ सेमसक तेरुप च्याङबु कि उरुप पेजा दगे ओरुङ मेसित | ¹⁵ तिसिना ओरुङ च्याम्बाला हुतुङ ताम किताङ तेरि तामला अरे गो हतुप ख्रिष्टसाग ओरुङ छारिन डि | ¹⁶ खोलाराङ जुबुकि राङ यिन लक थिसातिबा नेसुर हुतुङहुतुङ थिनु अइ | दुक क्यानि तेरि येनलाक तिबा दाक्दाक्पि क्यि गोबुप यक हुतुङ क्यानि तरिक जुबु च्याम्बा ला छारिन ताङ डिवि | ¹⁷ तुक्किला ङा ख्यिराङ ला सिउ तेमे चावा ला अङबा क्यिउ खाङ जेनमिरिग तिबा दाक्पि नासाम खिराङ युगमोडोइ | ¹⁸ तिबा नासामला मोथोङगुप गालुवे | तिबिकि सेम्ला हुतुप च्युमेतुप ताम तिबि सेम्ला हतुब सेमक्योङबु तिबा चावा कन्ज्यककि मिजि केङे क्याबुप अइ | ¹⁹ तिबाला ङछा मेत | तिबा नाबानाबि मेचेङ ताम किरुप हाम्बाला स्योरिन स्याम्डेन सिरुप नावाला लाका मेलेवा मिजि क्योङहिन अइ | ²⁰ तेमे ख्यिकि ख्रिष्टला दुक क्यानि ङुसेबुप मिन | ²¹ खिरे येशुकि ताम्ला कोतुप अइ तेमे ख्रिष्ट ला हतुप हुतुङनेसुर खिरे खो नेसुर राङ लापुप अइ सिनि ङा सेम किरुप | ²² खिरे ङिङ्बा दिक्पि किदाङ तेमे ताङ मिजिकि किताङ तिबा तोङगोकिवि | दि ङिङबा मि तिकि जिनक्पा हाम्बा तिबिकिसाला सिदिन वे | ²³ खिराङ दाक्पि दाक्पि सेम्गि किताङ ला लोङ्या साबा ओसित | ²⁴ तेमे चावा कन्ज्यककि हुतुङ दिक्पा मेतुप ताङ चेङ्गिला जप क्याबुप साबा क्यिताङ ला क्यि | ²⁵ तिकि साला मिदुपतामला तोङ तेरिकि दाक्पि युल्बा ताङ हुतुङंकि ताम किसित च्यिलासिसिन ओरुङ च्यिग्ला अङ्बा तिबा हिन् | ²⁶ ङ्येर्मा क्यासिनाङ दिक्पा माकि | ङिमा गाबुप सिना तङ ख्यिरे ,ङेर्मा शिसित | ²⁷ डेला मौका मातेर | ²⁸ कुन किरुब तिबि कि तानेसुर कुन कुन मिकिसित तिसिना तिकि दुक्पा किसित | गालुप मिला र किरुपला तिकि लाक्पा थकुप यकला ग्याक्सित | ²⁹ ख्यरे खानेसुर चेन्दिन छिकमेलेबा मेथेनसित , तेमे तिसिना गोबु गालुप सेम्गि जप डपताङ ङेदुप तिबाला काटिन ङेतुप सुङ ख्योरे खानेसुर थेन्सित | ³⁰ तेमे चावा कन्ज्यककि थु चेङ्गि ला खानेसुर रांङ ख्यिराङला ज्ये ग्यापु अइ | ³¹ तेरि दगेकि खाक्ति ङेर्मा थामु ताङ अपमान ला ख्यिरेकि तेरि डे तिबाला क्युर्गोकि | ³² दाक्दाक्पि लेमु ताङ दिमु सेम असित चुक्यानि ख्रिष्टला चावा कन्ज्यककि खिराङला ताङतोङ्बुप बिन्सुङ | तुक्यासिनाङ खिराङ च्यि च्यिग्ला ताङ ताङतोङगुप बिन |