¹ तुक् किसा, ङा पावल खिराङ ज्येन मि तिवा चावा येसुकि चिक चोन्खाङ्ला उम ज्याकुप् मि हिन्। ² खिराङला सिनि कन्ज्यककि ङाला बिन्दुप् खोकि काट्रिनकि लाका याङ खिरेकि थोङ्निराङ वे सिनि ङा श्येक्यु । ³ कन्ज्यककि राङ राङि हाक मोकोबु ताम तिवा ङाला छ्या तेन्दुप् ति ङेकि गमि लेन्ला चेक चेक सिक्यानि वे। ⁴ नाम खिरेकि दि लेन ति ह्रकि तजोला चावाकि हाक माकोबु ताम ति ङे सेम्गि नाङ्ने खिरेकि हाक कोक्यु। ⁵ दि हाक माकोबु ताम ज्येन गिपाला सिक्याबु मेत् हिन्सिराङ दजोला लमा ताङ लुङ्तेम्बा ताङ थुने थोङ्चिनि वे । ⁶ दि हाक माकोबु ताम ति दि हिन् ज्येन् मिरिकतिवा लेन लेमु नेसुर् ओङ्ज्येन तिवाला खोकि जुबुला वतुप् दाल्जा मि तिवि चावा येसुला वतुप् ना साङ तेरिक् किदि हिन् । ⁷ खोकि ङार कि लाका नेसुर् ङआला बिन्दुप् काट्रिन नेसुर् ङेवा नेसुर लेन ल्यामुकि लाका किरुप् मि गालसिन्दुप् वे। ⁸ तेरिक मि चेङि तिवा सिनाङ ङा टिक्पे हिन्सिनाङ ज्येन मिरिक तिवाला चावाकि नाम्लाङ मिसिन्दु गिज्याकि लेन ल्यामु श्येतुप् ला दि ङेन्बा ङाला बिन्दुप् हिन्। ⁹ ङेकि तेरिक कन्ज्यककि हाक मोकोबु किरुप् नासाम ति लेमु क्यानि सि गोक्यु। दि किरुप् नासाम ति तेरिक ज्वप् कन्ज्यककि गिपानेसुर् छ्या माबिन्बा वे । ¹⁰ ति तिङ्ला छ्यो छोक्नि नेसुर् देवा चेनकि दासाला वतुप् ओङ्ज्येन किरुप् तिवाला कन्ज्यककि ज्येन ज्येन ह्रिक्पा तेर्क्यु । ¹¹ दि ति चावा येसु नेसुर् खोकि छेजितुप् नाम्लाङ् मिसिन्दा कितुप् नासाम हिन्। ¹² चिला सिसिन चावाला अरे मोवा नेसुर् तेनतेन ताङ ङ्याडेन क्यानि कन्ज्यक चाला श्युकुप् ङेक्यु। ¹³ तुक किसा खिराङ्ला ङेकि क्याबु दुक्पा तिवाला खिरे सेम्ला रेवा सिन् माजित् । दि याङ खिराङ ताङ्देन हिन् । ¹⁴ तुक किसा ङा पापि दङ्ला ङे टिमुङ जुक्यु। ¹⁵ सु नेसुर् देवाचेन ताङ जाम्बुलिङ्ला वतुप् तेरिक मिछाङ कि मिन ज्याङ्नि वे। ¹⁶ ङा मोपार किउइ किराङ मोवाकि गिज्या नेसुर खिरे नाङ्ला देतुप् कि खोकि थुकि ङार नेसुर खिराङ्ला ङार छ्ये ङेसित्। ¹⁷ तेमे खिरेकि मोवा कि चावा येसु खिरे सेम्ला देसित् तेमे किरेकि खोकि ङिङ्ज्येला डाम्ज्यि तिङ। ¹⁸ तुक किसा तेरिक मि तिवा ताङ चावाकि ङिङ्ज्येकि रिङ्दुङ, थिङ्दुङ, थोछत् , तिङ्दुङ तिवा हाक को थुप्। ¹⁹ तेमे ह्रिक्पाला साङ मज्यगु चावाकि ङिङज्येला हाक को थुप् दुक क्यानि कन्ज्यककि छे थुप्। ²⁰ ता अरे नाङ्ला लाका कितुप् ङार नेसुर् अरेकि लाङ्गुप् ताङ नासाम ताङ्गुप् सिनाङ बाङि तेरथुपु ²¹ कन्ज्यकला राङ छ्यो छोक्ल चावा येसुला गिपा गिपा साक नाम्लाङ नाम्लाङ मोवा हुङ्सित्, आमेन।