¹ तुककिसा, कन्ज्यककि ङिङज्या पुजुङ-पुमतिविदगेराङ् खोकि किदाङ् कितुपुप्कि। ² ख्रिष्टकि ङिराङला ङिङ्ज्या क्यानि राङलाराङ् ङिराङला सिनि टिजाङबु खा बुल्वा तेमे जिन्वा तेरूपला राङलाराङ कन्ज्यकला पुल्सुङ्। तुक् किसा खिराङसाङ ङिङ्ज्ये खुर्नि यु। ³ खिरेकि पार्ला श्याम्डेन ताङ चुकैसाङ म्याच्याङ कि तामतिवा मिकिसित्। ⁴ चुकैसाङ च्वाताम, कुविताम ताङ ङ्याप्चेकितुप् ङ्यानतिवा माकि, दि मिढिक्पु ताम हिन्। तिसिना, थुचिछे तेरूलाका हुङसित्। ⁵ खिरेकि दि हुतुङ हिदुप कि, श्याम्डेन्, मेचेङि ताङ् हाँबा कितुप् मि– ति कुला शामदेकुप् हिन् - तिकि ख्रिष्टताङ कन्ज्यककि ग्याल्खापला चुकासाङ् ओङ मेङेउ। ⁶ खिराङला सिकिसाङ् मेतुप तामनेवा जुनाक मोजोसित्। ति ताम्ङेनतिवि किसा सिक्यावुखाला मेङेदुप् गिपातिवि खाला कन्ज्यककि ङिर्मा गिउ। ⁷ तुक किसा तिवाताङ् छाहि मादेत्। ⁸ चिले सिजिन् खिराङ ङिजिक नाक चुबिकि दासा नक्, हिनसिराङ् ताति खिराङ चावाकि ठाछोलिला हनि वे। तुककिसा ठाछोलिकि गिपातिवा दयाराङ क्यानि दोङ। ⁹ चिले सिजिन् ठादेङिकि डाल्बा तरिल्यामु दिक्पा मेतुप त्येमे हुतुङहिन्दुपला ङेकिउ। ¹⁰ चावाला गालोङुप तामङेन छोलुपलाका कि ¹¹ नाक्चुविकि डाल्बा मोगोरूप लाका तिवा ताङ क्षाहि माडिक, तुकसिराङ् तिला क्षार्नि विन् ¹² चिलेसिजि तिविकि सिसाङ मोथोङसाला क्याबु लाका तिबा सिरूसाङ ङछालोङुप गिउ। ¹³ तेरि तामङेन ठाछोलिला हसिमा थोङुइ, ¹⁴ चिलासिजि तिकिखाला ठाक्षालि थाल्नि वे, तुककिसा दुक सिक्यानि वे, “ओर्इ खुङ ङ्याल्नि होतुप, ल्व, त्येमे श्याप तिवित्यवा खक ल्व, त्येमे ख्रिष्ट ख्वरेखाला ठाक्षोलि गिउ।” ¹⁵ तुककिसा, ख्वुङ् चुकानि डिउ सिरूप तामङेनला च्याङबु क्यानि देत्। कुवा दइ मिन् हिनसिराङ रिक्पा ट्यामु रकेराङ् दोङ्। ¹⁶ तुजेला ल्यामुक्यानि थ्व, चिलेसिजि ङिनदिवा म्यालवा वे। ¹⁷ कुवा माकि, हिनसिराङ् चावाकि सेवा काँ नकपे ति हाक्को। ^{20 18} गुन्दुम क्षाङकि माजित्, चिलेसिजि तिकि सिन्दुप लाम्ला टिकिउ तुकसिराङ् थु च्याङयाकि क्या ङकि। ¹⁹ दक्पार्इ ङिकि पार्ला लुतिवा लाङजि कन्ज्यकला साँ देकुप लु त्येमे थुकि लुतिवा ल्व। खिरेकि सेम्ला लाङिदाङ त्येमे ढा तिवा तेनि चावा ला नाम्ला त्यक। अरे चावा येशू ख्रिष्टकि मिन्ला नाम्लाङ तेरि तामङेन तिवाला कन्ज्यक पापाला थुच्विच्छे पुल्। ²¹ ख्रिष्टकि दोङवाला दक्पाइ ङिकि पार्ला खाला ङेदा। ²² पेर्मिट्याङ होइ, चावाकि सिक्याप खाला ङेदु रक्याराङ राङि ख्वकि खाला ङेनि देत्। ²³ चिलेसिजि ख्व पेर्मिकि गो हिन् चुकानि ख्रिष्ट मण्डलिकि गो हिन् ति जोमखाङ् खोकि उङबु हिन्, त्येमे खो राङ- राङ तिकि थार्वातेरूप ति हिन्। ²⁴ हिनसिराङ चुकानि जोमखाङ ख्रिष्टला च्वाकविनि वे, तुकराङ क्यानि पेर्मितिवा साङ तेरिला राङि ख्वत्यवा च्वाक तेर्गो किउ। ²⁵ ख्वट्याङ होइ, राङि पेर्मितिवाला ङिङजे कि, चुक्यानि ख्रिष्टकि जोमखाङला ङिङजे क्यानि वे त्येमे राङलाराङ तिला च्वाबिनि वे। ²⁶ दुक् किसा खोकि जोम्खाङला सुङ नेवा क्षि कि टुनि च्याङया जोसित्। ²⁷ त्येमे माचोङुप ताङ माच्वुबु ताङ दिजुराङ् ज्यान तिवाङ नामागालुप हुङसित् हिन्सिराङ् च्याङमा त्येमे क्यान माफकु कन्ज्यकला सेम्लाढप जोमखाङ राङला क्षादेन्थुपसित्। ²⁸ दुकराङ क्यानि ख्वतिवि तिविकि राङि पेर्मि तिवाला राङि उङवुला दयराङ ङिङ्जे किगोकिउ। राङि पेर्मिला ङिङ्जे कितुप तिकि राङलाराङ ङिङ्जे किउ। ²⁹ लालिकि नाम्लाङ साङ राङि उङवुला क्युक्ट मिकिउ, हिनसिराङ राङि उङवुला सोनि ङिङ्जे किउ, चुक्यनि ख्रिष्टकि साङ जोमखाङला ङिङजे किउ। ³⁰ चिलेसिजि उरूङ खोकि उङबुकि यानल्क तिवा हिन्। ³¹ “तुक् किसा मिकि राङि पापा त्येमे माम्माला ताङ्नि तिकि पेर्मिताङ् ढिङनि देकिउ, त्येमे ङिकार जुवु दोक्पाइ राङ ढिउ।” ³² दि दक्पाइ गेर्पु क्षामेतुप जा हिन, हिनसिराङ ङेकि ख्रिष्ट त्येमे खोकि जोमखाङकि ताम किइ वे । ³³ तुककिसा खिराङ तेरिकि राङि पेर्मिला राङला दयाराङ ङिङ्जे किगोकउ, त्येमे पेर्मिकि ख्वकि गोङबा स्युगो किउ।