¹ Nomba umfweni kufyo Yawee akolabila, Imaa nokuitubulwila wemwine umulandu pantanshi yampili; leka uytupili tumfwe ishiwi lyobe. ² Umfwa, welupili umulandu waku Yawee, we mifula yaikalilila ye sonde. Pantu Yawee ali nomulandu nabantu bakwe, kabili akulwa mucilye'' ³ Mwebantu banji, nindo nacita kuli mwe? Findo namukalifya mwe? Ngasukeni! ⁴ Pantu namifumishe mucalo ca Egypiti namulubwile ukufuma munanda yabusha. Kantuma Mose, Aarini, na Mirriemu kuli mwe. ⁵ Mwebantu banji, ibukisheni nfilya Balaki imfumu ya Moabu apingile, Nefyo Balamu umwana mwalalume wakwa Beor amwasukile ndulya mwalikufuma ku Shittimu kuly ku Gilgali, eco kuti mwaishiba imicitile yabololoke yaku Yawee. ⁶ Nindo ne ningaleta kuli Yawee, ulo nkofukama kuli Lesa wamwiulu? Napo kuti naisa kuli ye nefya bupe fyakoca, nakana kangombe aka mwaka umo? ⁷ Napo Yawee kuti atemunwa kuli basukusuku amakana ikumi, nangula amakana ikumi ya mafuta? Napo kuti napela ibeli lyanji pafilubo fyanji, icisabo camumubili wanji pamasambi yamweo wanji? ⁸ Alikwebele we muntu, iciweme, neci Yawee akofwaya kuli we, Ukucita umulinganya , temwa uluse, nokwenda uwafuuka na Lesa obe ⁹ Ishiwi lyaku Yawee likopanga ukubila kumisumba- amano yatiina ishina lyenu: '' Kutikeni ku nkonto nakuli ngo waibikapo. ¹⁰ Mwaliba icuma munanda ya babifi icamubufufuntungu, nefyakupimina ifyabufi fya muselu. ¹¹ Napo ntunge umuntu ukuba uwakaele ngaabonfya icipimo cabufi, nomufuko cipimo cabufi? ¹² Abantu abacindama baisulamo ulukakala, nabekashi balabila ifya bufi, nendimi shabo mwaisula ubucenjeshi. ¹³ Eico, nakukupama ne cinfunshi cakupapa, nakambi nakuku cita icibolya pamulandu wa masambi yobe. ¹⁴ Mwakulya nokutekutapo iyoo; munda shenu mwalikuli nsala. mwakusungila ifipe kumbi nomba tafyaka pusushe, nefi mwakupususha naku fipa kucimeeya. ¹⁵ Mwakubyala nomba tamwaka sombolepo, mwalikwenga imiolife nomba tamwakasube po amafuta, mwakukama imyangashi nomba mukafilwa ukunwo mwangashi. ¹⁶ Ifipope fyaku Omri, n milimo yonse ya nanda yaku Ahabu mwe mwendela mu mano abo., Eco nande nkamuponesha ubonaushi nakekashi benu bakula muwela, namwe mukasenda ukusebana kwa bantu banji,''