¹ Nomba iseni capamo mubulwi bwafiputulwa, abana banakashi babashilika! Abalwani balishingile ukutulwisha! nenkonto yakubola kapingula wakwa Isuraeli palutobo. ² Nomba we Betelehemu Efulata, Nangwa waba uwacepesha pakati kamikowa yakwa Yuda, ukufuma muli we emo umo akwisa kuli ne nokuteka Isulaeri, uo intendekelo yafuma kunshita shakale ukufuma umuyayaya. ³ Eico Lesa akubalekelesha ukushinta ulo ngo uuli mukupapa akufyala umwana, nabambi ba wakwe bakabwelela ku li Isuraeli. ⁴ Akwiminina nokucema umukuni wakwe mu maka yakwa Yawee, mubucindami bweshina lyakwa Yaweelesa wakwe. Bakusha, pantu ulo ye akuba umukalamba ukushinta kumpela ya calo. ⁵ Pantu uyu eukaba emutelelwe - ulo abena Sssilia bakwisa mucalo cesu, kambi ulo bakwimina amalinga yesu, elo twakubemisha bakacema cinelubali ne ntungulushi cinekonsekonse pabalalume. ⁶ Bakema icalo ca Assiria ne cimeeya, ne calo ca Nimulodi mumingililo yakwe.Akutupokolola kuminwe ya bena Assilia, ulo bakwisa mucalo cesu, ulo bakushinguluka mukati kamipaka yesu. ⁷ Naba kushalapo muli Yakobo bakiba pakati kabantu abenji kubati mume ukufuma kuli Yawee, kubati tufula tukolokela pa cani, ututalolela po muntu, nakambi tulolelapo abana babantu nse. ⁸ Abashalapo bakwa Yakobo bakwikala pakati ka nko, pakati kabantu abenji kubati ninkalamo pakati ka nama shampanga, kubati musepela wa nkalamo pakati kamukuni wa mpaanga. ulo aya pakati kashiko , akushi nyantaula nokushiputaula mutupinfya, nakambi takwabe uwakushipokolola. ⁹ Ukuboko kobe kwaku tumpulwa pabalwani bobe nokubonaula. ¹⁰ '' Fyakucitika muli nkalya kasuba'' - Nku, ekulabila kwakwa Yawee ukwapabwelu - ati, '' Nakonaula bakabalwe benu nokubongolola amaceleta yenu. ¹¹ Nakonaula imisumba mucalo cenu nokupasa amalinga yenu. ¹² Nakonaula bukafinfita mukuboko kobe, kabili tawakatale aukwatapo abakubuka abali bonse. ¹³ Nakonaula no twabaswa twenu neceshi shenu isha mabwe ukufuma pakati kenu. Tamwakatale amushinshimuna kabili nokubomba kwaminwe yenu. ¹⁴ Nakunukula inceshi sha Ashera ukufuma muli mwe. nakambi nakubongolola imisumba yenu. ¹⁵ Nakucita icilandushi mu bukali necipyu pa nko ishitomfilepo''