¹ nomba munshiku shakulekelesha cakwisa kuba atii impili sha nanda yakwa Yawee shakwimikwa peulu lya mpili shimbi. Shaku sumbulwa ukucisha utupili na bantu bakukunkulukila ko. ² nenko ishingi shakuyako nokulabila ,'' Iseni, natulokuya kulupili lwaku Yawee, kunanda yaku Les wakwa Yakobo. Akutusambisha inshila shakwe, nafwe twalikwendela mutushila twakwe.'' Ukufuma ku Sioni ifunde lyakufuma nokuya, neshiwi lya Yawee lyakufuma mu Yerusalemu. ³ Akupingula pakati kabantu abenji nokupingulapo pamulandu wanko ishingi shapatali. Balikufula ifimeye ukupangamo ifyakuliminako nemikondo yabo bakupangamo ifikwakwa. icalo tacakemyepo icimeya pacalo cinakwenangula ukuikansha pamulandu wa nkondo nakambi. ⁴ Lelo bakwikala cinamuntu mwisamba lya muolife wakwe namwisamba lya mukuyu. Takwakabepo nenga umo uwakuba tiinya, Pantu akanwa kakwa Yawee wamilalo kalisosele. ⁵ Pantu bonsya bantu cinamuntu enda mwishina lyaku kalesa wakwe. Lelo fwe twalikwendela mwishina lyakwa Yawee Lea wesu umuyayaya. ⁶ '' Pali nkalya kasuba'' - nku ekulabila kwa ku Yawee - '' Nakubunganya ifilema nokulonganya abasuulwa, mbo abo nalimuna. ⁷ Nakupilibula ifilema nokufyalula abashalapo, na mbo aba tamfiwe ukuya mucalo icikosele, nane, Yawee, nakubateeka palupili lwa Sioni, lelo na pe. ⁸ Nomba we, malonda wamukuni, akapili ka mwanakashi Sioni- kuli we cakwisa, bukateka bobe ubwakale bwakubweseshiwapo, ubufumu bwaku mwana mwanakashi waku Yerrusalemu. ⁹ Nomba nindo ukobilikisha saana?Bushe tapapo mfumu pakati kenu? Napo uwakumwafwa alifwile? Nampo ecalenga ukufinya kumwikate kubati ni namayo uuli mukupaapa? ¹⁰ Kalipwa nokufinwa mukupaapa, wemwana mwanakashi wamu Sioni, Nganamayo ukomenwe fumo. pantu nombelo wakufuma mu musumba, wikale mu mabala, nokuya ku Babiloni. Nko mwakupokololwa. Nkulya Yawee akumulubula ukufuma kuminwe yafipondo fyenu. ¹¹ Nomba ifyalo ifinji filibungene kuku kwimina, basosa ati, Ka koweshiwe, amenso yesu yasamwe pali Sioni. ¹² Tabeshipo matontonkanyo ya ku Yawee, nangula kwiluka amapange akwe, pantu alibalongenye kubati mipo yanseke iyi bapekanishe apakutongwela. ¹³ Ima nokupuma, wemwana mwanakashi wa Sioni, pantu wakulenga ulusengo lobe ukuba iceela, nakambi ndepanga imondo shobe ukuba umukuba. Wakufwantaula abantu abenji nokushisha ifyuma fyabu cenjeshi kuli Yawee, ne cuma kuli Yawee shikulu wa calo conse.