¹ `Kandabila, '' Nomba kutikeni mwentungulushi sha kwa Yakobo mweba kateka ba nananda yakwa Isulaeli; Bushe temwepo mulingile ukumfwikisha umulinganya? ² Mwe mwebapata ubunee nokutwapo ububi, mwebafunda inkanda shabantu bandi; mushinsula neminofu kumafupa yabo- ³ Mwe, mwebalya nomunofu wabantu banji, nokuputula inkanda shabo, nokutobaula amafupa abo, nokuyaputaula tuce tuce, kubati ninamayamu mpooto, kubati ninama pacakutetawilako.. ⁴ Elo mwe mwebatungulula mwakulilila kuli Yawee, naye takamwasukepo. Akufisa necinso cakwe kuli 'mwepali kalya kashita, pantu imicitile yenu ibipile.'' ⁵ Yawee kalabila ati,'' Kuli bakasesema mbo abakotungulula abantu banji mukuluba, Ngacakuti umo abapako akakulya, babila umutende, lelo nga umo tabikilemo kantu mukanwa kabo babusha inkondo pali bo. ⁶ Eico bwakuba bushiku bumo ubo tamwakakwatepo necimonwa pali boo.; Bwakwila pakweba ati mwikacitapo ifya mbuko. akasuba kakuwila pali bakasesema , nolu buuto lwakuba imfimfi paliboo. ⁷ Bakamona bakusebana, elo ababuka nabo bakulengwe nsoni. Nabonse bakufimba pafilomo fyabo, pantu takupo ubwasuko ukufuma kuli Yawee. ⁸ Lelo nebo, ndiswilemo Umupashi wakwa Yawee, , nalisulamo nomulinganya ne fiiso, kukubilisha kuli Yakobo ububifi bwakwe no lubembu lwakwe. ⁹ Nomba kutikeni kuli mfi, mwentungulushi sha nanda yakwa Yakobo, namwe bateka munanda yakwa Isulaeli, mwe mwalipata umulinganya nokufulunganya ifiweme fyonse.. ¹⁰ Mwakuula Sioni no mulopa na Yerusalemu namampuulu. ¹¹ Intungulushi shenu shipingwila kumafisakanwa, nabashimapepo basambilisha apali indalama, bakasesema wabo bacita ulubuko lwandalama libe mwalimba muli Yawee nokulabila ati,'' Napo Yawee tabapo nafwe? Tapapo cibi cakwisa pali fwe. ¹² Kanshi pamulandu wenu, Sioni akuba Libala ililliminwe, Yerusalemu akuba mwina wa fitantaala na kapili ke tempele pakusaka.