¹ Akalanda kuli mbo abapanga ukucita iyama mampuulu, kuli mbo aba panga pamasanshi ukucita ifibipile. mulubuuto lwa kacelo baficita pantu balikwete amaka. ² Bakumbwa amabala noku apoka,; balakumbwa amananda nokuapoka. balcusha umuntu nenanda yake, umuntu necabupyani bwakwe. ³ Eco Yawee akososa mfi,'' Bona nkopekanishisha ukuleta ubonaushi ukulwisha ngu mukowa, ubo mutangateshako imikoshi. Teti mulokwenda po cilumba cilumba, pantu njo yakuba ninshita iyabiipa. ⁴ Mulikalya kasuba abalalume bakwimba ulwimbo ulwamanshokela pali mwe, nokuloosha nolwimbo lwacililishi. Bakemba, '' Fwebena Isulaeli twaonaulwa umupwilapo; Yawee apilibula icakaniko cabantu bandji. Engacifunya shani pali ne? Apele amabala yesu kuli bacisangu! ⁵ EEico mwebantu bakankala tamwakakwatepo ulupwa ulwa kwabanya imipaka mubwinji mwibungano lyaku Yawee. ⁶ '' Wi sesema,'' basosa. abati '' Tekanipo baseseme mfi fintu, umwansha nsoni tekutipo wise. Napo nakaciine fingalabilwa, we nanda yakwa Yakobo,'' ⁷ Napo Umupashi wakwa Yawee taukalipilepo?'' Nampo mfi eficitwa fyakwe?'' Napo amashiwi yanji tayabombapo fiweme kuli ngo onse uwenda mubulungami? ⁸ Nomba abantu banji baima kubati mulwani . Mulapoka umwingila , nefyakufwala, nakuli babo abakoipitila bwaka abatatunganyapo , ngaba shilika ababwela ukufuma bulwi uko baletontonkanya ukuba abacingililwe. ⁹ Mulafunya abanakashi baba ntu bandi mu8nanda shabo ishiweme ; mulapinta nobukankala ukufuma kubana banono umuyayaya. ¹⁰ Ima nokuya, pantu nji tencendepo apo ungatuusha, pamulandu wabusaalibwaiko; yonaikila kubonaushi umupwilapo. ¹¹ Ngacakuti umo aisa kuli mwe, mum,upashi uwa bufi nokubepa ati,'' Nkasesema kuli we pamwangashi necakunwa icikola,'' ali no kulingwa ukuba kasesema kulimba bantu. ¹² Muciine nakumuleta pamo bonse, Yakobo. Nkashininkisha ukulonganya abashalapo kuli Isulaeli. Nkabaleta capamo kubati nimpaanga mwicinka, pakati ka mulemfwe. Uko kukaba iciunda ca congo pamulandu wakucinkupiti wa bantu. ¹³ Umo uutoba kukubeswila inshila ebakubatangilila. Batobele ukupulinkanya pampongolo nokufuma; nemfumu yabo ili nokubapitapo ukubatangililila. Yawee akuba palutwe lwabo.