1 Ndi eshiwi lyaku Yawee ilyaishile kuli Mika uwamu Molesheti munshiku sha kwqa Yotamu, Ahasi, na Hesekia, iahamfumu sha Yuda, Mfi efii abwene ukusakamana Samalia na Yerusalemu. 2 Kutikeni, mwebantu bonse kutikeni ,mwe calo ca no nshi, nabonse ababa muli mwe. Lekeni imfumu Yawee ibe mboni pali mwe, Imfumu ukufuma mwitempele lyamushilo. 3 Bona, Yawee akofumamo muncende yakwe; akoisa pano nshi nokunyantaule misansama yapa calo. 4 Impili shakusunguluka panshi yakwe; elo nelungu lyakwakanikwamo, kubati fipeepe kumulilo, kubati menshi aakoituluka kumutentemuko. 5 Mfi fyonse nipamulandu wakubifya kwaku Yakobo, kambi nipa mulandu wa membu sha nanda yakwa Isuraeli. Ngokubifya kwakwa Yakobo ,nikwisa? Mbapo te Samalia? Mbe misansama yaku Yuda ilipi? Mbapo te Yerusalemu? 6 Nakucita Samaria kubati mwiina mwibala, mu ncende yakubyala imyangashi. Nakwitila na mabwe yakwe panshi yamupokapoka elo naku fuula umufulwa wakwe. 7 Tonse utulubi twakubasa akutu tobaula tuce tuce, nefyabupe fyakwe ifyo apokelele fyakupya kumulilo. kambi nakulenga utulubi twakwe ukonaulwa. Pantu alonganikile ifyabupe fyakwe ukufuma mumalipilo yabu cilende, Yakuba malipilo yabucilende nakambi. 8 Pamulandu wanci, nalikulooshanokulila akalanda; bnakuya makasa lukoso elo nalikuli nduno nduno; Nalikubosa kubati ni mumbwe nokuloosha kubati nimwina. 9 Nefilonda fyakwe tafyakapolepo, Pantu fyaisa nakuli Yuda. Pantu dyafika kumpongolo sha kubantu banji, Yerusalemu. 10 Tekwesha ukulandapo mu Gathi; tekweshapo ukulokuloosha awee. Mu Bethi Leafula njalangana mulukungu. 11 Kamupita, mwe bekashi bamu Shafili, nduno nduno nensoni. Mwebekashi bamu Sanani tekweshapo ukufumamo. Abena Beth Eseli baloosha, pantu ubucingo bwabo buli sendelwe. 12 Pantu abekashi bamu Maroti bakosubila nokulolela ilyashi liweme, pantu icinkuunka caika ukufuma kuli Yawee ku mpongolo ya Yerusalemu. 13 Kakeni amaceleta kuli ba kabalwe, mwebekashi bamu Lakishi. Iwe, Lakishi, ewee kwamba kwa lubembu we mwana mwanakashi Sioni, pantu ukubifya kwaku Isulaeli kukosangwa muli we. 14 Mwe muli nokupela ifya bupe fyakushalikanamo kuli Molesheti Gati; Inanda yakwa Akisibu akusebanya ishamfumu shakwa Isulaeli. 15 Nakambi nakuleta uwakucinfya kuli mwe, mwebekashi bamu Maleshi; Ubukankaala bwakwa Isulaeli bwakwisa ku Aduramu. 16 Beyeni imishishi yenu nokuputula imishishi pabana benu umo mucankilwa. Mubeye amapala kubati niba kapumpe pakuti abana benu bakuya muli bunkole ukufuma pali mwe.