¹ Akalanda kuli ne!Ndi kuba ti muntu uukolonganika ifisabo mulusuba, nakambi kubati myangashi iitalatwalapo; ukutaapo imyangashi ningalyako, ukutapo ifitwalo fya mukunyu ifi umutima ufwaisha. ² Abacishinka bonse balipwile mucalo; takupo nomololoke mumutundu wa bantu nse. Kanshi bonse baikala mukulolela ukusuumya umulopa; cila umu numo alunga wakwe nesumbu. ³ Amaboko abo aweeme saana kukucita ubonaushi: kateka epusha indalama, nabakapingula baliiteyanya kumafisakanwa, nomuntu uwa maka akoebako nabambi ukufwaya kwa mutima wakwe. Nomba bonse kulangana ifya kucita. ⁴ Nobune bwabo kubati ninkololo, nomololoke uwacilapo kubati lilinga lya mwinga. Mbu ebushiku ubwalabilwe naba malonda babo, Nka ekasuba kakukanda. Nomba enshita yacimfulunganya.cabo ⁵ Tekweshapo ukucetekela umwina mupalamano uulionse; tekwesha ukubika icitetekelo mumunobe uulionse. Ulokucenjela nakufyo ukolabila nangula mwanakashi uusendama mumaboko yobe. ⁶ Pantu umwana mwlalume asalula wishi, umwana mwanakashi emina nyina, nomulokashi emina banafyala. Abalwani ba muntu nimbo aba munanda yakwe. ⁷ Lelo nebo nalikulolesha fye kuli Yawee. Nalikulolela bwaka pali Lesa pantu epusukilo lyandji; na lesa wanji akungumfwa nebo. ⁸ Musamwapo pali ne, mwebalwani banji. Anawa, nakwima nakambi. Anaikala mu mfimfi, Yawee akuba ulubuuto lwanji. ⁹ Pantu nalibiifya kuli Yawee, nalikushipikishe ubukali bwakwe mpaka akanjiminineko, nokucita ubupingushi kuli ne. Elo akundeta napalubuto, elo nakuibwena ubulungami bwakwe. ¹⁰ Elo umulwani wanji akubonako, nensoni shakuba pali mbo abasosele ati,'' Nipi ali Yawee, Lesa obe? Amenso yanji yamulolesha, akunyantaulwa kubati matipa amunshila. ¹¹ Akasuba kakukuula ifibumba fyenu kakofika; muli nkalya kasuba nemipaka yenu yakulundwako ukufika ukutali. ¹² Muli kali nkalya kasuba abantu benu kakwisa kuli mwe, ukufuma ku Asilia na mumisumba ya Egupto mpaka nakunika, ukufuma kuli bemba , nokufuma kulupili nokufika kulupili. ¹³ Ukubako icalo cenu cakuba amapopa pamulandu wabantu abaikalamo mulya, pamulandun wafisabo fyamicitile yabo ¹⁴ Kamucema abantu benu ku nkonto yenu, umukuni wabupyani bobe. Baikala benka mufisakaala, pakati nankati ka mpanga ya mulemfwe. Lekeni balekumemuna mu Bashani na na Gileadi kubati ninshilya nshiku shakale. ¹⁵ Kubati ninshilya nshiku ulo mwafumine ku Egupiti, naku balanga ifipapwa. ¹⁶ Ifyalo fyakubona nokwanshiwa insoni palwa maka abo onse. Elo bakubika neminwe yabo patunwa twabo; namatwi abo ukushinka. ¹⁷ Bakumyanga neloba kubati ninsoka, kubati fibumbwa ifisenya pamushili. Elo fyakufumamo umo fyafiseme nomwenso pamulandu wenu. ¹⁸ Mbapo kulipo Lesa uwaba kubati ni mwe? - Uulekelela amampulu , uucilila bumpula mafunde bwaba shalapo abacikwatwa cakwe? Ye tatwalilila nobukali umuyayaya, pantu ye abekelwa mucipangano cacishinka. ¹⁹ Mukabwerkeshapo ukubela inkumbu pali fwe; mwakunyantaula ifyakubifya kumakasa. Mwakupoosa ulubembu lwesu muli bemba uushikile. ²⁰ Mukapela necishinka kuli Yakobo nokupangana ukwabu cishinka kuli Abrahamu, kubati fintu mwalapile kufikolwe fyesu muli nshilya nshiku.