Icipandwa 8

1 Nshi entungulushi sha fikolwe fya ndupwa shabo, namfi efi bakonkene mu kufyalwa mbo abafumine nande mu Babyloni ulo imfumu Artaxeres yali kuteka. 2 Aba mucikoto caku Phinehas, Gershomu.. Aba mucikoto caku Ithama, Daniel. Aba mucikoto caku Dabidi, Hattush. 3 Aba mucikoto caku Shekanaia, uwafumine mucikoto caku Paroshi, Sekaria, nabali pamo naye kabali 150 abalalume abatantikilwe umo bafyalilwe. 4 Aba mucikoto caku Pahati - Moab, Eliehoenai umwana mwalalume waku Zerahiah naye ali na balalume imyanda ibili. 5 Aba mucikoto caku Zattu, Beni Jahaziel pamo naye kali nabalalume imyanda itatu. 6 Aba mucikoto caku Adini, Ebedi umwana mwalalume uwaku Jonathani nabo ali nabo bali abalalume amakumi yasano abatantikilwe. 7 Aba mucikoto caku Elamu, Jeshaiah umwana mwalalume waku Athaliah nabo ali nabo bali abalalume amakumi cine lubali abatantikilwe. 8 Aba mucikoto caku Shephatiah, Zebadiah umwana mwalalume waku Michael nabo ali nabo bali abalalume amakumi cine konse - konse abatantikilwe. 9 Aba mucikoto caku Joab, Obadiah umwana mwalalume waku Jehiel nabo ali nabo kabali 218 abalalume abatantikilwe. 10 Aba mucikoto caku Bani, Shelomiti umwana mwalalume waku Josiphiah naba ali nabo kabali 160 abatantikilwe. 11 Aba mucikoto caku Bebai, Sekariah, umwana mwalalume waku Bebai nabo ali nabo kabali abalalume amakumi yabili na cine konse - konse abatantikilwe. 12 Aba mucikoto caku Azgad, Yohanani umwana waku Hakkatani nabo ali nabo kabali 110. 13 Mbo aba mucikoto caku Adonikami kabesa panuma. Nga emashina yabo; Elifeleti, Yeuel, Shemaiah nabo ali nabo kabali amakumi mutanda abalalume. 14 Aba mucikoto caku Bigvai, Uthai na Sakur nabo ali nabo kabali amakumi cine lubali abatantikilwe. 15 Kanonganika mbo abali palwendo pa mulongo uwakuya ku Ahafa, nakambi katwikala mpalya inshiku shitatu. Kancencenta abantu na ba shimapepo, nomba nshabwenepo uwakufuma mucikoto ca bwina Lebi mulya. 16 Efi natumine Eliesa, Arieli, Shemaiah, Sekaria, na Meshuilamu - abali ntungulushi - ukubikapo na Yoiaribu na Elnatani - abali basambishi. 17 Icakonkelepo kambatuma kuli Ido, intungulushi yali mu Kasifia, kambeba ifya kuya kulabila kuli Ido na kulupwa lwakwe, ababomfi ba mwitempele abalikwikala mu Kasifia, ekwebati, bakatutumine abakumba munanda ya ku Lesa. 18 Efi batutumine ukupitila mu kuboko kwaku Lesa wesu ukuweme umwalalume uweshina lya Sherebia, umuntu umukengele. Afumine mu bufyashi bwaku Mali umwana mwalalume waku Lebi umwana mwalalume waku Israeli. 19 Kaisa nabana balalume ikumi na cine konse - konse ukubikapo naba wakwe. Kaisa pamo na Hashabia, na Yeshaia epo ali umo uwa mubufyashi bwaku Merari, kumo naba wakwe nabana babo abalalume, bonse pamo abalalume kabali amakumi yabili. 20 Kulimbo mbo balumfishe ukubombela mwitempele, mbo ba Davidi naba cilolo ba ku bapa ukubombela abena Lebi; 220, bonse kababalumfya cila muntu peshina lyakwe. 21 Efi nabilishe ukufunga ukulya pa mulonga wa Ahaba mukuicefya fwebene pamenso yaku Lesa, mukufwaya inshila yesu iitambalele ukufuma kuli Ye, abana besu abanini ne fikwatwa fyesu fyonse. 22 Kandi nensoni ishakufumbe mfumu ukutupe fita nango abendela pali bakabalwe ukwebati, baticingilileko ku balwani munshila, pantu twalilabile ku mfumu ukwebati, "Ukuboko kwaku Lesa wesu kulokuli pali bonse abakomufwaya mukubacitile fiweme, nomba ukukosa kwakwe no bukali bwakwe filaba pali bonse mbo abamulabukila. 23 Kanshi efi twafungile ukulya no kwipusha Lesa palinci, nae kaumfwa ipepo lyesu. 24 Ifya konkelepo kansala abalalume ikumi na babili ukufuma muli bacilolo ba ku bashimapepo; Sherebia, Hashabia nabakwabo ikumi. 25 Kambapimina silvere, golide, nefipe ne fyabupe fya munanda yaku Lesa ifi mfumu bakafwa baiko naba cilolo, na Israeli yonse bapele mukuifwaila. 26 Efi napimine mu minwe yabo amatalanta ya silvele 650, amatalanta yafipe aa silvele umwanda umo, amatalanta ya golide umwanda umo, 27 Imbakuli amakumi yabili sha golide ishali pamo apangaposwa indalama sha dariki ikana limo, nefipe fibili ifibapukutile bwino ifyelele kubati ni golide. 28 Elo nalabile kuli bo, "Muli ba mushilo kuli Lesa, kumo kwenka nefipemfi, na silvele na golide fya bupe fya kuitemenwa kuli Lesa, Lesa wa fikolwe fyenu. 29 Mulokufilolekeshapo no kufisunga ukufikila ulo mwa kufipima pa menso ya ba cilolo baba nshimapepo, abena Lebi ne ntungulushi sha fikolwe sha mitundu wa bena Israeli mu Yelusalemu mufipinda fya nanda yaku Lesa." 30 Ba nshimapepo nabena Lebi kabapokelela silvele iibapimine, golide, nefipe pakwebati bafiminte ku Yelusalemu kunanda yaku Lesa. 31 Katwimunuka ukufuma pa mulonga wa Ahaba pa bushiku bwalenga amakumi yabili mu mwenshi wa kubalilapo ukuya ku Yelusalemu. Ukuboko kwa ku Lesa wesu kwali palifwe; katupokolola ukufuma kukuboko kwa mulwani na kuli bambi abali kufwaya ukutufisamina ulo twalikuya munshila. 32 Efi twaingile mu Yelusalemu no kwikala mulya inshiku shitatu. 33 Kanshi pa bushiku bwalenga bune silvele, golide nefipe kafipimwa mu nanda yaku Lesa wesu, mu minwe yaku Moeremoti mwana mwalalume waku Uriah shimapepo. Alipamo na Eleasari umwana mwalalume waku Feniasi, Yosabadi umwana mwalalume waku Yeshua, na Noadiah umwana mwalalume waku Binui umwina Lebi. 34 Impendwa no kufina kwa fintu fyonse kababebeta. Ukufina konse kakulembwa pali njilya nshita. 35 Mbo ababwelelemo ukufuma mu kwikatwa, abantu abali muli bunkole, kabapela icabupe cakoca kuli Lesa waku Israeli; babulile ikumi nababili Israeli onse, ba pepe amakumi pabula na mutanda, impanga amakumi cine lubali na cine lubali, ba pepe ikumi nababili nge cabupe capa membu. Fyonse fyali fyabupe fyakoca kuli Lesa. 36 Efi bapele fipope fya mfumu kuli ba cilolo bakulu ba mfumu nakuli bakafinala kuciputulwa cali kunshi yanika, nakambi balikwafwa bantu ne nanda yaku Lesa.